ಲಂಡನ್: ಮಕ್ಕಳಲ್ಲಿನ ಏಕಾಗ್ರತೆ ಕೊರತೆ/ ಅಧಿಕ ಚಟುವಟಿಕೆ ಅಸ್ವಸ್ಥತೆ (ಎಡಿಎಚ್ಡಿ) ಗಂಭೀರ ಮಾನಸಿಕ ಆರೋಗ್ಯಕ್ಕೆ ಕಾರಣವಾಗುವ ಏಕೈಕ ಅಪಾಯದ ಅಂಶವಾಗಿದೆ ಎಂದು ಸಂಶೋಧನೆ ತಿಳಿಸಿದೆ.
ಎಡಿಎಚ್ಡಿ ಎಂಬುದು ಮಕ್ಕಳಲ್ಲಿ ಮತ್ತು ಹದಿವಯಸ್ಸಿನ ನರಾಭಿವೃದ್ಧಿ ಮಾನಸಿಕ ಪರಿಸ್ಥಿತಿಯಾಗಿದೆ. ಮಕ್ಕಳು ಮತ್ತು ಹದಿಹರೆಯದವರಲ್ಲಿ ಜಗತ್ತಿನಾದ್ಯಂತ ಇದರ ಹರಡುವಿಕೆ ಸುಮಾರು ಶೇ 5 ಮತ್ತು ವಯಸ್ಕರಲ್ಲಿ ಶೇ 25ರಷ್ಟಿದೆ.
ಎಡಿಎಚ್ಡಿಯು ಮನಸ್ಥಿತಿ ಮತ್ತು ಆತಂಕ ಅಸ್ವಸ್ಥತೆಯೊಂದಿಗೆ ಸಂಬಂಧ ಹೊಂದಿದೆ ಎಂದು ಅಧ್ಯಯನದಲ್ಲಿ ಗಮನಿಸಲಾಗಿದೆ. ಆದರೆ, ಇದು ಮಾನಸಿಕ ಅಸ್ವಸ್ಥತೆಯ ಆರೋಗ್ಯದ ಜೊತೆಗೆ ಸಾಂದರ್ಭಿಕ ಸಂಬಂಧ ಹೊಂದಿದೆಯಾ ಎಂಬುದರ ಬಗ್ಗೆ ತಿಳಿದಿಲ್ಲ.
ಬಿಎಂಜೆ ಮೆಂಟಲ್ ಹೆಲ್ತ್ ಜರ್ನಲ್ನಲ್ಲಿ ಈ ಅಧ್ಯಯನ ಪ್ರಕಟವಾಗಿದ್ದು, ಮುಕ್ತ ಓದಿಗೆ ಲಭ್ಯವಿದೆ. ಇದರಲ್ಲಿ ಎಡಿಎಚ್ಡಿ ಖಿನ್ನತೆ, ಆಘಾತದ ಬಳಿಕ ಒತ್ತಡ ಅಸ್ವಸ್ಥತೆ ಮತ್ತು ತಿನ್ನುವಿಕೆ ಸಮಸ್ಯೆ ಮತ್ತು ಆತ್ಮಹತ್ಯೆಯಂತಹ ಘಟನೆಗಳೊಂದಿಗೆ ಸಂಬಂಧವನ್ನು ಹೊಂದಿದೆ. ಜರ್ಮನಿಯ ಆಕ್ಸ್ಬರ್ಗ್ ಯುನಿವರ್ಸಿಟಿಯಲ್ಲಿ ಈ ಸಂಶೋಧನೆಯನ್ನು ಪ್ರಕಟಿಸಲಾಗಿದ್ದು, ಆರೋಗ್ಯ ವೃತ್ತಿಪರರು, ನಂತರ ಈ ಅಸ್ವಸ್ಥತೆಗಳನ್ನು ನಿವಾರಿಸುವ ಪ್ರಯತ್ನದಲ್ಲಿ ಜಾಗರೂಕರಾಗಿರಬೇಕು.
ತಂಡವೂ ಎಡಿಎಚ್ಡಿ ಮತ್ತು ಏಳು ಅಸ್ವಸ್ಥತೆಗಳಾದ ಮೇಜರ್ ಕ್ಲಿನಿಕಲ್ ಡಿಪ್ರೆಷನ್, ಎರಡು ವ್ಯಕ್ತಿತ್ವದ ಅಸ್ತಸ್ಥತೆ, ಆತಂಕದ ಅಸ್ವಸ್ಥತೆ, ಸ್ಕಿಜೋಫ್ರೊನಿಯ, ಪಿಟಿಎಸ್ಡಿ, ಅನೊರೆಕ್ಸಿಯ ನೆರವೊಸಾ ಮತ್ತು ಒಂದು ಆತ್ಮಹತ್ಯೆಯ ಪ್ರಯತ್ನಗಳೊಂದಿಗೆ ಸಂಬಂಧವನ್ನು ಸ್ಥಾಪಿಸಿದೆ.
ಎಡಿಎಚ್ಡಿ ಮತ್ತು ಬೈಪೋಲಾರ್ ಡಿಸಾರ್ಡರ್, ಆತಂಕ ಅಥವಾ ಸ್ಕಿಜೋಫ್ರೋನಿಯಾ ನಡುವೆ ಯಾವುದೇ ಸಾಂಧರ್ಭಿಕ ಸಂಬಂಧದ ಪುರಾವೆ ತೊರೆದಿಲ್ಲ ಎಂದು ತಂಡ ಪತ್ತೆ ಮಾಡಿದೆ. ಆದರೆ ಅನೊರೆಕ್ಸಿಯಾ ನೆರ್ವೊಸಾ ನಡುವೆ ಶೇ 28ರಷ್ಟು ಸಾಂದರ್ಭಿಕ ಸಂಬಂಧದೊಂದಿಗಿನ ಅಪಾಯ ಹೊಂದಿದೆ. ಎಡಿಎಚ್ಡಿ ಸಾಂದರ್ಭಿಕ ಮತ್ತು ಪ್ರಮುಖ ಕ್ಲಿನಿಕಲ್ ಖಿನ್ನತೆಗೆ ಕಾರಣವಾಗಿದೆ ಎಂಬುದಕ್ಕೆ ಸಾಕ್ಷಿ ಲಭ್ಯವಾಗಿದೆ.
ಖಿನ್ನತೆಯೊಂದಿಗೆ ನೇರವಾದ ಸಾಂದರ್ಭಿಕ ಸಂಬಂಧದ ಜೊತೆಗೆ ಆತ್ಮಹತ್ಯೆ ಪ್ರಯತ್ನ ಮತ್ತು ಪಿಟಿಎಸ್ಡಿ ಉಗಮಕ್ಕೆ ಕಾರಣವಾಗಿದೆ ಎಂದು ಸಂಶೋಧನೆ ತಿಳಿಸಿದೆ. ಎಡಿಎಚ್ಡಿ ಜೊತೆಗೆ ಹೆಚ್ಚಿನ ರಕ್ಷಣಾತ್ಮಕ ಚಿಕಿತ್ಸೆಯ ಅಗತ್ಯವನ್ನು ಆರೋಗ್ಯ ವೃತ್ತಿಪರರು ಉತ್ತೇಜಿಸಬೇಕಿದೆ ಎಂದು ಸಂಶೋಧಕರು ತಿಳಿಸಿದ್ದಾರೆ. ಈ ಅಧ್ಯಯನವೂ ಮನೋವೈಜ್ಞಾನಿಕ ಅಸ್ವಸ್ಥತೆಯ ಹೊಸ ದಾರಿಗೆ ಬೆಳಕನ್ನು ನೀಡುತ್ತದೆ. ಎಡಿಎಚ್ಡಿ ಹೊಂದಿರುವ ರೋಗಿಗಳು ಮಾನಸಿಕ ಅಸ್ವಸ್ಥತೆ ನಿಟ್ಟಿನಲ್ಲಿ ನಿರ್ವಹಣೆ ಮಾಡಬೇಕಿದೆ. ಅಗತ್ಯವಿದ್ದಲ್ಲಿ ಇದರ ತಡೆಗೆ ಕ್ರಮವಹಿಸಬೇಕಿದೆ ಎಂದು ಅಧ್ಯಯನ ತಿಳಿಸಿದೆ. (ಐಎಎನ್ಎಸ್)
ಇದನ್ನೂ ಓದಿ: ನಗರದ ಮಕ್ಕಳಲ್ಲಿ ಅಸ್ತಮಾ ಹೆಚ್ಚಿಸುವ ವಾಯು ಮಾಲಿನ್ಯ; ಲ್ಯಾನ್ಸೆಟ್ ವರದಿ
