ವಿಜಯಪುರ: ಭೀಮಾತೀರದ ಹಂತಕ ಬಾಗಪ್ಪ ಹರಿಜನ ತನ್ನ ಶತ್ರು ಸಂಹಾರಕ್ಕಾಗಿ ದೇವಸ್ಥಾನದಲ್ಲಿ ವಿಶೇಷ ಪೂಜೆ ಮಾಡಿರುವ ವಿಡಿಯೋಗಳು ವೈರಲ್ ಆಗಿವೆ.
ಹಿಂದೊಮ್ಮೆ ಬಂದೂಕು ಹಿಡಿದು ಮೆರೆದಿದ್ದ ಬಾಗಪ್ಪ ಹರಿಜನ ಕೈಯಲ್ಲಿ ಈಗ ತಲ್ವಾರ ಪೂಜೆ ನಡೆದಿದೆ. ಶತ್ರು ನಾಶಕ್ಕೆ ಭಾಗಪ್ಪ ತನ್ನ ಮನೆ ದೇವರಾದ ಮಹಾರಾಷ್ಟ್ರ ರಾಜ್ಯದ ಸೋಲಾಪುರ ಜಿಲ್ಲೆಯ ಅಕ್ಕಲಕೋಟೆ ತಾಲೂಕಿನ ಯಲ್ಲಮ್ಮನ ಬಬಲಾದದ ಗ್ರಾಮದೇವಿ ಯಲ್ಲಮ್ಮ ದೇಗುಲದಲ್ಲಿ ಶತ್ರು ಸಂಹಾರ ಪೂಜೆ ನಡೆಸಿದ್ದಾರೆ ಎನ್ನಲಾಗಿದೆ. ಅದಕ್ಕೆ ಸಾಕ್ಷಿ ಎಂಬಂತೆ ಪೂಜೆ ಸಲ್ಲಿಸುತ್ತಿರುವ ವಿಡಿಯೋ ತುಣುಕು ವೈರಲ್ ಆಗಿದೆ.
ಭೀಮಾತೀರದ ಹಂತಕ ಬಾಗಪ್ಪ ಹರಿಜನನಿಂದ ತಲ್ವಾರ ಹಿಡಿದು ಪೂಜೆ ಕೈಯಲ್ಲಿ ತಲ್ವಾರ ಹಿಡಿದು ಬಾಗಪ್ಪ ಹರಿಜನ ಪೂಜೆ ಮಾಡಿದ್ದಾನೆ. ನಂತರ ಕುಂಬಳಕಾಯಿ, ಬಾಳೆ ದಿಂಡನ್ನು ಕೊಚ್ಚಿದ್ದಾನೆ. ತೆಲೆ ಮೇಲೆ ಟೋಪಿ, ಬಿಳಿ ಧೋತಿ, ಬಿಳಿ ಶಲ್ಯ ಹಾಕಿ ಮಿಂಚಿದ್ದಾನೆ. ಬೆಂಬಲಿಗರ ಜೊತೆಗೆ ಬಾಗಪ್ಪ, ಶತ್ರು ಮಾರಣ ಹೋಮ ಪೂಜೆ ನಡೆಸಿದ್ದಾನೆ ಎನ್ನಲಾಗಿದೆ.
ಹಂತಕ ಬಾಗಪ್ಪ ಹರಿಜನ ವೇಷ, ಭೂಷಣ, ಪೂಜೆ ಕಂಡು ಭೀಮಾತೀರದ ಜನತೆ ಬೆಚ್ಚಿ ಬಿದ್ದಿದ್ದಾರೆ. ಇತ್ತೀಚೆಗೆ ಇಂಡಿ ಚಿನ್ನದ ವ್ಯಾಪಾರಿ ಡಾಂಗೆಗೆ ಬೆದರಿಕೆ ಹಾಕಿದ್ದ ಕೇಸ್‌ನಲ್ಲಿ ಜೈಲು ಸೇರಿದ್ದ. ಈಗ ಜಾಮೀನಿನ ಮೇಲೆ ಹೊರ ಬಂದಿದ್ದಾನೆ. ಈ ಪೂಜೆ ಯಾವಾಗ ಮಾಡಿಲಾಗಿದೆ ಎಂಬ ಬಗ್ಗೆ ಯಾವುದೇ ಸ್ಪಷ್ಟತೆ ಇಲ್ಲ. ಆದರೆ, ಪೂಜೆ ಸಲ್ಲಿಸುತ್ತಿರುವ ವಿಡಿಯೋವೊಂದು ಮಾತ್ರ ಸಾಕಷ್ಟು ವೈರಲ್ ಆಗಿದೆ.
ಓದಿ : ಬಿಎಸ್‌ಪಿ ಮುಖಂಡ ಎನ್ ಕೆ ರವೀಂದ್ರ ಅನುಮಾನಾಸ್ಪದ ಸಾವು
