ಕಾರವಾರ :ಕರಾವಳಿಯಲ್ಲಿ ಎರಡು ದಿನಗಳ ಕಾಲ ಅಬ್ಬರಿಸಿದ್ದ ತೌಕ್ತೆ ಚಂಡಮಾರುತ ಸದ್ಯ ತಣ್ಣಗಾಗಿದೆ. ಆದರೆ, ಗೋಕರ್ಣದಲ್ಲಿ ಮಾತ್ರ ಅಲೆಗಳ ಅಬ್ಬರ ಜೋರಾಗಿದ್ದು, ಕಡಲತೀರದ ಪ್ರದೇಶ ಕೊಚ್ಚಿ ಹೋಗುತ್ತಿದೆ.
ತೌಕ್ತೆ ತಣ್ಣಗಾದರೂ ನಿಲ್ಲದ ಅಲೆಗಳ ಆರ್ಭಟ : ಗೋಕರ್ಣದಲ್ಲಿ ಕಡಲ್ಕೊರೆತ
ಮಳೆ, ಗಾಳಿ ಕಡಿಮೆಯಾದರೂ ಕೂಡ ಗೋಕರ್ಣದ ಓಂ ಬೀಚ್, ಪ್ಯಾರ್‌ಡೈಸ್ ಬೀಚ್, ಕೂಡ್ಲೆ ಬೀಚ್ ಹಾಗೂ ಮುಖ್ಯ ಬೀಚ್‌‌ನಲ್ಲಿ ಸಮುದ್ರದಲ್ಲಿ ಅಲೆಗಳ ಆರ್ಭಟ ಜೋರಾಗಿದೆ. ಇದರಿಂದಾಗಿ ಕಡಲತೀರದ ಪ್ರದೇಶ ಕೊಚ್ಚಿ ಹೋಗಿ ಸಮುದ್ರಪಾಲಾಗುತ್ತಿರುವುದು ಸ್ಥಳೀಯರಲ್ಲಿ ಭೀತಿ ಸೃಷ್ಟಿಸಿದೆ.