144 ಸೆಕ್ಷನ್​ ಜಾರಿ ಇದ್ರೂ ವ್ಯಾಪಾರ : ಬಾಗಿಲು ಮುಚ್ಚಿಸಿದ ಉಡುಪಿ ನಗರಸಭೆ ಆಯುಕ್ತರು

ಕೊರೊನಾ ವೈರಸ್​ ತಡೆಗೆ ರಾಜ್ಯ ಸರ್ಕಾರ ಕಠಿಣ ಕ್ರಮಕೈಗೊಂಡಿದೆ. ಈ ನಡುವೆ ಉಡುಪಿಯಲ್ಲಿ ಕೆಲ ಅಂಗಡಿಗಳ ಬಾಗಿಲು ತೆರೆದಿದ್ದು, ಮಾಹಿತಿ ತಿಳಿದು ಸ್ಥಳಕ್ಕೆ ಬಂದ ನಗರಸಭೆ ಆಯುಕ್ತರು ಎಚ್ಚರಿಕೆ ನೀಡಿ ಅಂಗಡಿ ಬಾಗಿಲುಗಳನ್ನು ಮುಚ್ಚಿಸಿದ್ದಾರೆ.

ಉಡುಪಿ:ನಗರದಲ್ಲಿ ಸೆಕ್ಷನ್ 144 ಜಾರಿಯಲ್ಲಿದ್ದರೂ ಅಂಗಡಿ ತೆರೆದು ವ್ಯಾಪಾರ ನಡೆಸುತ್ತಿದ್ದವರ ವಿರುದ್ಧ ನಗರಸಭೆ ಆಯುಕ್ತ ಆನಂದ್​ ಕಲ್ಲೋಲಿಕರ್​ ಕೆಂಡಾಮಂಡಲರಾಗಿದ್ದರು.

ಸ್ಥಳಕ್ಕೆ ಪೌರಾಯುಕ್ತರು ಆಗಮಿಸುತ್ತಿದ್ದಂತೆ ವ್ಯಾಪಾರಿಗಳು ದಡಬಡನೆ ಅಂಗಡಿ ಬಾಗಿಲುಗಳನ್ನು ಮುಚ್ಚಿದ್ದಾರೆ. ಮಾತಿಗೆ ಬಗ್ಗದ ಕೆಲ ವ್ಯಾಪಾರಿಗಳ ಮೇಲೆ ಲೈಸನ್ಸ್ ರದ್ದು ಮಾಡುವುದಾಗಿ ಎಚ್ಚರಿಸಿದರು. ಅಲ್ಲದೇ ನಿತ್ಯದ ಅಗತ್ಯವಸ್ತುಗಳನ್ನು ಹೊರತುಪಡಿಸಿ ಬೇರೆಲ್ಲ ಅಂಗಡಿಗಳ ಮೇಲೆ ಕ್ರಮ ಕೈಗೊಳ್ಳಲು ಆದೇಶ ನೀಡಿದರು.