ತುಮಕೂರು:ಜಿಲ್ಲೆಯ ಶಿರಾ ವಿಧಾನಸಭೆ ಉಪಚುನಾವಣೆ ಸಂದರ್ಭದಲ್ಲಿ ಮದಲೂರು ಕೆರೆಗೆ ಹೇಮಾವತಿ ನೀರು ಹರಿಸುವ ಕುರಿತಂತೆ ಸಿಎಂ ನೀಡಿದ್ದ ಆಶ್ವಾಸನೆಯಂತೆ ನೀರು ಹರಿಸಲಾಗಿದೆ. ಆದರೆ ಶಿರಾ ತಾಲೂಕಿಗೆ ಹಂಚಿಕೆ ಇಲ್ಲದಿದ್ದರೂ ಹೇಮಾವತಿ ನೀರನ್ನು ಹರಿಸಲಾಗಿದೆ. ಜಿಲ್ಲೆಯ ಇನ್ನುಳಿದ ತಾಲೂಕುಗಳಿಗೂ ನೀರು ಹರಿಸಬೇಕಿದೆ ಎಂಬ ಕೂಗು ಕೇಳಿ ಬರುತ್ತಿದೆ.
ಶಿರಾ ಮಾತ್ರವಲ್ಲದೆ ಉಳಿದ ತಾಲೂಕುಗಳಿಗೂ ಹೇಮಾವತಿ ನೀರು ಹರಿಸುವಂತೆ ಆಗ್ರಹ
ಮದಲೂರು ಕೆರೆಗೆ ಹೇಮಾವತಿ ನೀರು ಹರಿಸುವುದನ್ನು ಜೆಡಿಎಸ್ ಪಕ್ಷ ವಿರೋಧಿಸುತ್ತಿಲ್ಲ, ಬದಲಿಗೆ ಸ್ವಾಗತಿಸಲಾಗುತ್ತಿದೆ. ಆದರೆ ಶಿರಾ ವಿಧಾನಸಭೆಯ ಉಪಚುನಾವಣೆ ಗೆಲುವಿಗಾಗಿ ಯಾವುದೇ ಹಂಚಿಕೆ ಇಲ್ಲದಂತಹ ಮದಲೂರು ಕೆರೆಗೆ ನೀರು ಹರಿಸಿ ಬಿಜೆಪಿ ಶಿರಾ ಭಾಗದ ರೈತರಿಗೆ ಅನುಕೂಲ ಮಾಡಿಕೊಟ್ಟಿದೆ.