ಕೊರಟಗೆರೆ ಚೆಕ್ ಪೋಸ್ಟ್​ನಲ್ಲಿ 10 ಕೆಜಿ ಗಾಂಜಾ ವಶ, ಮೂವರ ಬಂಧನ

ತುಮಕೂರಿನ ಚೆಕ್​ಪೋಸ್ಟ್​​ವೊಂದರಲ್ಲಿ ಪೊಲೀಸರ ತಪಾಸಣೆ ವೇಳೆ ಕಾರಿನಲ್ಲಿ ಗಾಂಜಾ ಸಾಗಿಸುತ್ತಿದ್ದದು ಕಂಡುಬಂದಿದ್ದು, ಈ ಸಂಬಂಧ ಮೂವರನ್ನು ಬಂಧಿಸಿ, 10 ಕೆ.ಜಿ ಗಾಂಜಾ ವಶಕ್ಕೆ ಪಡೆಯಲಾಗಿದೆ.

ತುಮಕೂರು: ಕಾರಿನಲ್ಲಿ ಗಾಂಜಾ ಸಾಗಿಸುತ್ತಿದ್ದ ಮೂವರನ್ನು ಕೊರಟಗೆರೆ ಚೆಕ್ ಪೋಸ್ಟ್​ನಲ್ಲಿ ಬಂಧಿಸಲಾಗಿದೆ.

ಮೊಕ್ದುಮ್ ಶರೀಫ್, ನಹೀಮ್ ಮಹಮದ್, ಕಮಿಲ್ ಪಾಷಾ ಬಂಧಿತ ಆರೋಪಿಗಳು, ಇವರಿಂದ 10 ಕೆಜಿ ಗಾಂಜಾ ಪ್ಯಾಕೆಟ್​ಗಳು, ಒಂದು ಹರಿತವಾದ ಡ್ರ್ಯಾಗರ್, 4 ಮೊಬೈಲ್​ಗಳು ಹಾಗೂ ಕಾರನ್ನು ವಶಕ್ಕೆ ಪಡೆಯಲಾಗಿದೆ.

ಮಧುಗಿರಿಯಿಂದ ತುಮಕೂರು ಕಡೆಗೆ ಹೋಗುತ್ತಿದ್ದ ಕಾರನ್ನು ತಪಾಸಣೆ ಮಾಡಿದಾಗ ಪ್ರಕರಣ ಬೆಳಕಿಗೆ ಬಂದಿದೆ. ಈ ವೇಳೆ ಇಬ್ಬರು ಆರೋಪಿಗಳು ಪರಾರಿಯಾಗಿದ್ದಾರೆ.