ಶಿವಮೊಗ್ಗ:ತಾಳಗುಪ್ಪ- ಮೈಸೂರು ರೈಲು ಹತ್ತುವಾಗ ಕಾಲು ಜಾರಿ ಬಿದ್ದು ತಂದೆ ಮತ್ತು ಮಗ ಮೃತಪಟ್ಟ ದಾರುಣ ಘಟನೆ ಭಾನುವಾರ ರಾತ್ರಿ ನಡೆದಿದೆ. ಬೆಂಗಳೂರಿನಲ್ಲಿ ವಾಸವಾಗಿದ್ದ ಮೋಹನ್‌ ಪ್ರಸಾದ್‌(70), ಅಮರನಾಥ್‌ (38) ಮೃತರು. ಮೋಹನ್‌ ಪ್ರಸಾದ್‌ ಅವರು ವಿಐಎಸ್‌ಎಲ್‌ ನಿವೃತ್ತ ನೌಕರರಾಗಿದ್ದಾರೆ. ಮಗ ರಾಜೇಂದ್ರ ಪ್ರಸಾದ್‌ ಅವರು ಕಾಗದ ನಗರದಲ್ಲಿ ಈಶ್ವರ ದೇವಸ್ಥಾನದ ಅರ್ಚಕರಾಗಿದ್ದಾರೆ.
ಅವರ ಮನೆಗೆ ಬಂದು ವಾಪಸ್‌ ತೆರಳುವಾಗ ಈ ಘಟನೆ ಸಂಭವಿಸಿದೆ. ಪ್ಲಾಟ್‌ ಫಾರಂ 1ರಲ್ಲಿರಾತ್ರಿ ರೈಲು ಹತ್ತುವಾಗ ಮಗ ಮೊದಲು ಕಾಲು ಜಾರಿ ಬಿದ್ದಿದ್ದಾರೆ. ನಂತರ ಆತನ ರಕ್ಷಣೆಗೆ ಮುಂದಾದ ತಂದೆಯೂ ಕಾಲು ಜಾರಿ ಪ್ಲಾಟ್‌ ಫಾರಂಗೆ ಬಿದ್ದಿದ್ದಾರೆ. ಅಮರನಾಥ್‌ ಅವರ ತಲೆಗೆ ಗಂಭೀರ ಗಾಯವಾಗಿದ್ದರಿಂದ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.