ಆರ್​ಟಿಪಿಎಸ್​ ಬಳಿ ಹಾರು ಬೂದಿ ತೆರವು ಪ್ರಕ್ರಿಯೆಯಿಂದ ಟ್ರಾಫಿಕ್​​ ಸಮಸ್ಯೆ

ಆರ್​ಟಿಪಿಎಸ್​ ವಿದ್ಯುತ್​ ಶಾಖೋತ್ಪನ್ನ ಘಟಕದಿಂದ ಹಾರೂ ಬೂದಿ ತೆಗೆಯುವ ಪ್ರಕ್ರಿಯೆಯಿಂದಾಗಿ ಸಂಚಾರದ ಸಮಸ್ಯೆ ಹೆಚ್ಚಾಗಿದೆ.

ರಾಯಚೂರು:ಹೈದರಾಬಾದ್-ರಾಯಚೂರು ರಾಷ್ಟ್ರೀಯ ಹೆದ್ದಾರಿಯಲ್ಲಿ ಟ್ರಾಫಿಕ್ ಸಮಸ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ರಾಯಚೂರು ಶಕ್ತಿನಗರದ ಆರ್​​ಟಿಪಿಎಸ್ ಕೇಂದ್ರದಲ್ಲಿ ಗಂಟೆಗಟ್ಟಲೆ ಸಂಚಾರ ಸಮಸ್ಯೆ ಉಂಟಾಗಿ ಜನರು ಪರದಾಡುವಂತಾಯಿತು.

ಆರ್​ಟಿಪಿಎಸ್ ವಿದ್ಯುತ್ ಶಾಖೋತ್ಪನ್ನ ಘಟಕದ ಹಾರು ಬೂದಿ ಖಾಲಿ ಮಾಡುವ ಪ್ರಕ್ರಿಯೆ ನಡೆಯುತ್ತಿದೆ. ಈ ಹಾರು ಬೂದಿ ಕೊಂಡೊಯ್ಯಲು ರಾಜ್ಯದ ನಾನಾ ಜಿಲ್ಲೆಗಳಿಂದ ವಾಹನಗಳು ಆಗಮಿಸುತ್ತವೆ. ಇದರಿಂದಾಗಿ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಲಾರಿಗಳು ನಿಂತಿರುವುದರಿಂದ ನಿತ್ಯ ಸಂಚರಿಸುವ ಬಸ್​ಗಳ ಸಂಚಾರದಲ್ಲಿ ತೊಂದರೆ ಉಂಟಾಗುತ್ತಿದೆ. ಇದರಿಂದಾಗಿ ಪ್ರಯಾಣಿಕರು ಟ್ರಾಫಿಕ್​ ಪೊಲೀಸರನ್ನು ಶಪಿಸುತ್ತಿದ್ದಾರೆ.