ರಜೆ ಗೊತ್ತಿದ್ರೂ ಎಟಿಎಂಗಳಿಗೆ ಹಣ ತುಂಬದ ಬ್ಯಾಂಕುಗಳು, ಗ್ರಾಹಕರ ಪರದಾಟ

ಸರ್ಕಾರಿ ರಜೆ ಇರುವಾಗ ಬ್ಯಾಂಕ್‌ನವರು ಮುಂಚಿತವಾಗಿ ಎಟಿಎಂಗಳಲ್ಲಿ ಹಣವನ್ನು ಹಾಕದೇ ಇರುವುದರಿಂದ ಗ್ರಾಹಕರು ಪರದಾಡುವಂಥ ಪರಿಸ್ಥಿತಿ ನಿರ್ಮಾಣವಾಗಿದೆ.

ರಾಯಚೂರು:ರಾಯಚೂರು ನಗರದಲ್ಲಿನ ಎಟಿಎಂಗಳಲ್ಲಿ ಹಣ ದೊರೆಯದೆ ಗ್ರಾಹಕರು ಪರದಾಡುತ್ತಿದ್ದಾರೆ.

ನಗರದ ವಿವಿಧ ಬ್ಯಾಂಕ್​ಗಳಲ್ಲಿ ಗ್ರಾಹಕರು ಎಟಿಎಂ ಕಾರ್ಡ್ ಮುಖಾಂತರ ಹಣವನ್ನು ಡ್ರಾ ಮಾಡಲು ಹೋದ್ರೆ, ಎಟಿಎಂಗಳಲ್ಲಿ ನೋ ಕ್ಯಾಶ್ ಎಂಬ ಉತ್ತರ ಬರುತ್ತಿದೆ. ಕೆಲವು ಎಟಿಎಂ ಕೇಂದ್ರಗಳಲ್ಲಿ ದುಡ್ಡಿಲ್ಲ ಎನ್ನುವ ಕಾರಣಕ್ಕೆ ಬಾಗಿಲು ಸಹ ಹಾಕಲಾಗಿದೆ. ಇದರಿಂದ ಬ್ಯಾಂಕ್​ನಲ್ಲಿ ಹಣ ಇರಿಸಿರುವ ಗ್ರಾಹಕರು ಹಣ ಪಡೆಯಲು ಸಂಕಷ್ಟ ಅನುಭವಿಸುತ್ತಿದ್ದಾರೆ.

ನಿನ್ನೆ ಎರಡನೇ ಶನಿವಾರ ಮತ್ತು ಇಂದು ಭಾನುವಾರ ಆಗಿರುವುದರಿಂದ ಬ್ಯಾಂಕ್ ಸಹ ಬಂದ್​ ಆಗಿದೆ. ಬ್ಯಾಂಕ್ ಅಧಿಕಾರಿಗಳು ರಜೆ ಗಮನಿಸಿ ಮುಂಚಿತವಾಗಿ ಎಟಿಎಂಗಳಿಗೆ ಹಣ ಹಾಕದೇ ಇರುವುದರಿಂದ ಗ್ರಾಹಕರು ಪರದಾಡುವಂತಾಗಿದೆ. ಹೀಗಾಗಿ ಗ್ರಾಹಕರು ಬ್ಯಾಂಕ್ ಅಧಿಕಾರಿಗಳ ವಿರುದ್ಧ ಆಕ್ರೋಶ ವ್ಯಕ್ತವಾಗಿದೆ.