ಒಂದೇ ಹಾಳೆಯಲ್ಲಿ 548 ಕಲಾಕೃತಿ: ಇಂಡಿಯನ್ ಬುಕ್​ ಆಫ್​ ರೆಕಾರ್ಡ್ ಸೇರಿದ ರಾಯಚೂರಿನ ಕಲಾವಿದ

ಒಂದು A4 ಸೈಜ್ ಹಾಳೆಯಲ್ಲಿ ಒಂದು, ಎರಡು ಅಥವಾ 10 ಇಲ್ಲವೇ 20 ಚಿತ್ರಗಳನ್ನು ಬರೆಯಬಹುದು. ಆದರೆ ಇಲ್ಲೊಬ್ಬ ಕಲಾವಿದ ಇದೇ A4 ಸೈಜ್​​ನ ಹಾಳೆಯಲ್ಲಿ ಬರೋಬ್ಬರಿ 548 ಚಿತ್ರಗಳನ್ನು ಬಿಡಿಸಿದ್ದಾರೆ.

ರಾಯಚೂರು: ಜಿಲ್ಲೆಯ ಕಲಾವಿದನೊಬ್ಬ ಲಾಕ್​ಡೌನ್ ಸಮಯವನ್ನು ಸದುಪಯೋಗ ಪಡಿಸಿಕೊಂಡು ಜನಪದ ಶೈಲಿಯ ಆದಿವಾಸಿ ಜನರ ಕಲಾಕೃತಿಗಳನ್ನ ಬಿಡಿಸಿ ಇಂಡಿಯನ್ ರೆಕಾರ್ಡ್ ಬುಕ್​ನಲ್ಲಿ ಹೆಸರು ದಾಖಲಿಸಿಕೊಂಡಿದ್ದಾರೆ.

A4 ಅಳತೆಯ ಪೇಪರ್​​​ನಲ್ಲಿ 548 ಚಿತ್ರಗಳನ್ನು ಬಿಡಿಸಿ ಈಗ ಇಂಡಿಯನ್ ರೆಕಾರ್ಡ್ ಬುಕ್​​ನಲ್ಲಿ ತಮ್ಮ ಹೆಸರು ನಮೂದಿಸಿಕೊಂಡಿದ್ದಾರೆ. ಮೂಲತಃ ಸಿಂಧನೂರು ತಾಲೂಕಿನಾದ ಉಮೇಶ್ ಪತ್ತಾರ್, ಚಿತ್ರಕಲೆಯಲ್ಲಿ 5 ವರ್ಷದ ಪದವಿ ಪಡೆದಿದ್ದಾರೆ. ಈ ಬಗ್ಗೆ ಮಾತನಾಡಿದ ಅವರು, ಚಿತ್ರಕಲೆಯಲ್ಲಿ ಏನಾದರೂ ವಿಶೇಷ ಸಾಧನೆ ಮಾಡಬೇಕು ಎನ್ನುವ ಛಲದೊಂದಿಗೆ A4 ಅಳತೆ ಹಾಳೆಯಲ್ಲಿ 548 ಚಿತ್ರಗಳನ್ನ ಬಿಡಿಸಿದ್ದೇನೆ. ಎಲ್ಲೂ ಜಾಗ ಬಿಡದಂತೆ ಸುಂದರವಾಗಿ ಆದಿವಾಸಿಗಳ ಕಲಾಕೃತಿಗಳನ್ನು ರಚಿಸಿ, ಜನಪದ ಸಾಹಿತ್ಯವನ್ನು ಬೆಳೆಸಬೇಕು ಎನ್ನುತ್ತಾರೆ.

ಇಂಡಿಯನ್ ಬುಕ್​ ಆಫ್​ ರೆಕಾರ್ಡ್ ಸೇರಿದ ರಾಯಚೂರಿನ ಕಲಾವಿದ

ರೆಕಾರ್ಡ್ ಬುಕ್​ನಲ್ಲಿ ನನ್ನ ಹೆಸರು ಸೇರಿಸಿರುವುದು ಮತ್ತು ಗೋಲ್ಡ್ ಮೆಡಲ್ ನೀಡಿ ಪ್ರೋತ್ಸಾಹಿಸಿರುವುದು ಇನ್ನೂ ಹೆಚ್ಚಿನ ಸಾಧನೆ ಮಾಡುವ ಉತ್ಸಾಹ ಹೆಚ್ಚಿಸಿದೆ ಎಂದರು.