ಬೆಟ್ಟದಿಂದ ಮಗುಚಿಬಿದ್ದ ಎತ್ತಿನಗಾಡಿಗಳು: ಇಬ್ಬರು ರೈತರ ಸಾವು

ಬೆಟ್ಟದ ಮೇಲಿನಿಂದ ಎರಡು ಎತ್ತಿನಗಾಡಿಗಳು ಮಗುಚಿ ಕೆಳಗಿ ಬಿದ್ದು,ಇಬ್ಬರು ರೈತರು ಸಾವನ್ನಪ್ಪಿರುವ ಘಟನೆ ನಂಜನಗೂಡು ತಾಲೂಕಿನ ಬೆಂಡಗಳ್ಳಿಯಲ್ಲಿ ನಡೆದಿದೆ.

ಮೈಸೂರು: ಬೆಟ್ಟದ ಮೇಲಿನಿಂದ ಎರಡು ಎತ್ತಿನಗಾಡಿಗಳು ಮಗುಚಿ ಕೆಳಗಿ ಬಿದ್ದು, ಇಬ್ಬರು ರೈತರು ಸಾವನ್ನಪ್ಪಿರುವ ಘಟನೆ ನಂಜನಗೂಡು ತಾಲೂಕಿನ ಬೆಂಡಗಳ್ಳಿಯಲ್ಲಿ ನಡೆದಿದೆ.

ದೇಬೂರು ಗ್ರಾಮದ ಕೆಂಪೇರಾಜು (27), ಚೇತನ್​ (22) ಮೃತಪಟ್ಟ ರೈತರು. ನಿನ್ನೆ ಭೀಮನ ಅಮಾವಾಸ್ಯೆ ಪ್ರಯುಕ್ತ ಪೂಜೆಗೆಂದು ತಾಲೂಕಿನ ಪ್ರಸಿದ್ಧ ಕಾರ್ಯ ಸಿದ್ದೇಶ್ವರ ಬೆಟ್ಟಕ್ಕೆ ಎರಡು ಎತ್ತಿನಗಾಡಿಯಲ್ಲಿ ತೆರಳಿದ್ದರು. ಈ ಸಂದರ್ಭದಲ್ಲಿ ಎತ್ತಿನಗಾಡಿ ಓಡಿಸುವ ಪೈಪೋಟಿ ನಡೆಸಿದ್ದು, ಎತ್ತಿನಗಾಡಿಗಳು ಮಗುಚಿ ಬೆಟ್ಟದಿಂದ ಕೆಳಗೆ ಬಿದ್ದು ಇಬ್ಬರು ರೈತರು ಸಾವನ್ನಪ್ಪಿದ್ದಾರೆ. ಅಲ್ಲದೇ ಎತ್ತನಗಾಡಿಯಲ್ಲಿದ್ದ ಇನ್ನಿಬ್ಬರು ರೈತರು ಗಾಯಗೊಂಡಿದ್ದು, ಅವರನ್ನ ಕೆ.ಆರ್. ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಇನ್ನು, ಘಟನೆಯಲ್ಲಿ ಎರಡು ಎತ್ತುಗಳು ಗಾಯಗೊಂಡಿವೆ. ಈ ಸಂಬಂಧ ಬಿಳಿಗೆರೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.