ಸಂತ್ರಸ್ತೆ ಬದುಕು ಕಟ್ಟಿಕೊಳ್ಳಲು ಇಲಾಖೆಯಿಂದ ನೆರವು : ಸಚಿವ ಹಾಲಪ್ಪ ಆಚಾರ್

ಸೂಕ್ಷ್ಮ ವಿಚಾರವಾದ್ದರಿಂದ ಅಧಿಕಾರಿಗಳಿಂದ ಮಾಹಿತಿ ಪಡೆಯುತ್ತಿದ್ದೇನೆ. ಮೊದಲಿಗೆ ಜಿಲ್ಲಾಧಿಕಾರಿಗೆ ಪತ್ರ ನೀಡಿದ್ದಾರೆ ಅಂದ ಸಚಿವರು, ನಂತರ ಪತ್ರ ಯಾವುದೂ ಇಲ್ಲ, ಅಧಿಕಾರಿಗಳು ಕೊಟ್ಟ ಮಾಹಿತಿ ಆಧಾರದಲ್ಲಿ ಮಾತನಾಡುತ್ತಿರುವೆ ಎಂದರು..

ಮೈಸೂರು : ಸಾಮೂಹಿಕ ಅತ್ಯಾಚಾರಕ್ಕೆ ಒಳಗಾಗಿರುವ ಸಂತ್ರಸ್ತೆಗೆ ಸ್ವಾವಲಂಭಿಯಾಗಿಬದುಕು ಕಟ್ಟಿಕೊಳ್ಳಲು ಇಲಾಖೆಯಿಂದ ನೆರವು ನೀಡಲಾಗುವುದು ಎಂದು ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಸಚಿವ ಹಾಲಪ್ಪ ಆಚಾರ್ ಹೇಳಿದರು.

ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಸುದ್ದಿಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ಅವರು, ಗ್ಯಾಂಗ್ ರೇಪ್‌ನಂತಹ ಹೇಯ ಕೃತ್ಯಕ್ಕೆ ನಾವೆಲ್ಲರೂ ತಲೆ ತಗ್ಗಿಸಬೇಕಿದೆ. ನಿನ್ನೆ ಮಹಿಳಾ ಆಯೋಗದ ಅಧ್ಯಕ್ಷರೂ ಭೇಟಿ ಕೊಟ್ಟಿದ್ದಾರೆ. ಮಹಿಳೆಗೆ ಎಲ್ಲ ನೆರವು ನೀಡುವ ಕೆಲಸ ಆಗುತ್ತೆ. ನಾಳೆಯ ಹೊತ್ತಿಗೆ ಇದಕ್ಕೆ ತಕ್ಕ ಉತ್ತರ ಕೊಡುವ ಭರವಸೆ ಇದೆ ಎಂದರು.

ಸೂಕ್ಷ್ಮ ವಿಚಾರವಾದ್ದರಿಂದ ಅಧಿಕಾರಿಗಳಿಂದ ಮಾಹಿತಿ ಪಡೆಯುತ್ತಿದ್ದೇನೆ. ಮೊದಲಿಗೆ ಜಿಲ್ಲಾಧಿಕಾರಿಗೆ ಪತ್ರ ನೀಡಿದ್ದಾರೆ ಅಂದ ಸಚಿವರು, ನಂತರ ಪತ್ರ ಯಾವುದೂ ಇಲ್ಲ, ಅಧಿಕಾರಿಗಳು ಕೊಟ್ಟ ಮಾಹಿತಿ ಆಧಾರದಲ್ಲಿ ಮಾತನಾಡುತ್ತಿರುವೆ ಎಂದರು.