ಸವಾಲು ಹಾಕಿ ಈಜಲು ಹೋದವ ಎಲ್ಹೋದ್ನೋ, ಏನಾದ್ನೋ.. ನಂಜನಗೂಡು ಪೊಲೀಸರಿಗೆ ದೂರು

ಕಪಿಲಾ ನದಿಯ ಪ್ರವಾಹದಲ್ಲಿ ಈಜಲು ಹೋಗಿ ವ್ಯಕ್ತಿದ್ದ ನಾಪತ್ತೆಯಾಗಿದ್ದಾನೆಂದು ದೂರು ದಾಖಲಾಗಿದೆ. ಅಸಾಧ್ಯವಾದದನ್ನೇ ಮಾಡುತ್ತೇನೆ ಎಂಬ ಛಲಕ್ಕೆ ಹೆಸರಾಗಿದ್ದ ಈ ವ್ಯಕ್ತಿ ಈ ರೀತಿ ನಾಪತ್ತೆ ಆಗಿರುವುದು ಸ್ಥಳೀಯರಲ್ಲಿ ಆತಂಕ ಉಂಟುಮಾಡಿದೆ.

ಮೈಸೂರು: ಕಪಿಲಾ ಪ್ರವಾಹದಲ್ಲಿ ಈಜಲು ಹೋದ ವ್ಯಕ್ತಿವೋರ್ವ ನಾಪತ್ತೆ ಆಗಿದ್ದಾರೆ ಎಂದು ನಂಜನಗೂಡು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.

ನಿನ್ನೆ ಕಪಿಲಾ ನದಿಯ ಪ್ರವಾಹದಲ್ಲಿ ನಂಜನಗೂಡಿನ ರೈಲ್ವೆ ಸೇತುವೆ ಬಳಿ ಸ್ನೇಹಿತರೊಂದಿಗೆ ಈ ನದಿಯಲ್ಲಿ ಈಜುವುದಾಗಿ ಸವಾಲು ಹಾಕಿ ಮೊಬೈಲ್​ನಲ್ಲಿ ವಿಡಿಯೋ ಮಾಡುವಂತೆ ಹೇಳಿ ವೆಂಕಟೇಶ್ (55) ನದಿಗೆ ಹಾರಿದ್ದಾರೆ. ನಂಜನಗೂಡಿನ ಕಾಶಿ ವಿಶ್ವನಾಥ ದೇವಾಲಯದ ಅರ್ಚಕನಾಗಿದ್ದ ಇವರು ಇಡೀ ಭಾರತವನ್ನೇ ಸೈಕಲ್​ನಲ್ಲೇ ಸುತ್ತಿದ್ದಾರೆ.

ಈತ ಪ್ರತಿ ವರ್ಷ ಕಪಿಲಾ ನದಿ ತುಂಬಿದ ಸಂದರ್ಭದಲ್ಲಿ ಸ್ನೇಹಿತರೊಂದಿಗೆ ಸವಾಲು ಹಾಕಿ ನದಿಯಲ್ಲಿ ಈಜಿ ಅರ್ಧ ಕಿಲೋಮೀಟರ್ ಹೋಗಿ ನಂತರ ಅಲ್ಲಿಂದ ಎದ್ದು ಬರುತ್ತಿದ್ದ. ಅದೇ ರೀತಿ ಈ ವರ್ಷವು ಸ್ನೇಹಿತರೊಂದಿಗೆ ಸವಾಲು ಹಾಕಿ ಹೋಗಿ ನಾಪತ್ತೆಯಾಗಿದ್ದಾರೆ ಎಂದು ಈತನ ಮಾವ ನಂಜನಗೂಡು ಗ್ರಾಮಾಂತರ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.ಅಸಾಧ್ಯವಾದದನ್ನೇ ಮಾಡುತ್ತೇನೆ ಎಂಬ ಛಲಕ್ಕೆ ಹೆಸರಾಗಿದ್ದ ಈ ವ್ಯಕ್ತಿ ಈ ರೀತಿ ನಾಪತ್ತೆ ಆಗಿರುವುದು ಸ್ಥಳೀಯರಲ್ಲಿ ಆತಂಕ ಉಂಟುಮಾಡಿದೆ.