ಕಾಂಗ್ರೆಸ್​​​ ಅಭ್ಯರ್ಥಿ ಮೇಲೆ ಎಫ್​​​​ಐಆರ್ ದಾಖಲು ರಾಜಕೀಯ ಪ್ರೇರಿತವಲ್ಲ: ಹೆಚ್.ವಿಶ್ವನಾಥ್

ನಾನು ಆರ್.ಆರ್.ನಗರ ಮತ್ತು ಶಿರಾ ಚುನಾವಣಾ ಪ್ರಚಾರಕ್ಕೆ ಪಕ್ಷದ ಪರವಾಗಿ ಹೋಗುತ್ತೇನೆ ಎಂದ ಎಚ್.ವಿಶ್ವನಾಥ್ ಶ್ರೀ ರಾಮುಲು ಖಾತೆ ಬದಲಾವಣೆ ಮುಖ್ಯಮಂತ್ರಿಗಳಿಗೆ ಬಿಟ್ಟ ವಿಚಾರ ಎಂದರು.

ಮೈಸೂರು:ರಾಜರಾಜೇಶ್ವರಿನಗರ ಕಾಂಗ್ರೆಸ್ ಅಭ್ಯರ್ಥಿ ವಿರುದ್ಧ ಎಫ್​​​​ಐಆರ್ ದಾಖಲು ರಾಜಕೀಯ ಪ್ರೇರಿತ ಅಲ್ಲ. ಚುನಾವಣಾ ನೀತಿ ಸಂಹಿತೆ ಅಂತ ಇರುತ್ತದೆ. ಅದರ ಉಲ್ಲಂಘನೆ ಆದಾಗ ಕಾನೂನು ಕ್ರಮ ತೆಗೆದುಕೊಳ್ಳುತ್ತಾರೆ. ಇದರಲ್ಲಿ ರಾಜಕೀಯ ಬೆರಸಬಾರದು ಎಂದು ವಿಧಾನ ಪರಿಷತ್ ಸದಸ್ಯ ಎಚ್.ವಿಶ್ವನಾಥ್ ಪ್ರತಿಕ್ರಿಯಿಸಿದ್ದಾರೆ.

ಇಂದು ರಾಜ್ಯ ಪದಾಧಿಕಾರಿಗಳ ಸಭೆಯಲ್ಲಿ ಭಾಗವಹಿಸಲು ಆಗಮಿಸಿದ ಸಂದರ್ಭ ಮಾಧ್ಯಮಗಳ ಜೊತೆ ಮಾತನಾಡಿದ ಅವರು, ರಾಜ ರಾಜೇಶ್ವರಿನಗರ ಕಾಂಗ್ರೆಸ್ ಅಭ್ಯರ್ಥಿ ವಿರುದ್ಧ ಎಫ್​​​​ಐಆರ್ ರಾಜಕೀಯ ಪ್ರೇರಿತ ಅಲ್ಲ, ಇದರಲ್ಲಿ ರಾಜಕೀಯ ಬಳಸಬಾರದು, ಯಾರು ಗೆಲ್ಲುತ್ತಾರೆ ಎಂಬುದನ್ನು ಜನ ತೀರ್ಮಾನ ಮಾಡುತ್ತಾರೆ ಎಂದರು.