ಅಮಿತ್ ಶಾ- ಬಿಎಸ್​​ವೈ ಚೇತರಿಕೆಗೆ ಪ್ರಾರ್ಥನೆ... ಮಂಡಿಯೂರಿ ಚಾಮುಂಡಿ ಬೆಟ್ಟ ಹತ್ತಿದ ಯುವಕ!

ಸಿಎಂ‌ ಯಡಿಯೂರಪ್ಪ ಕಟ್ಟಾ ಅಭಿಮಾನಿಯಾಗಿರುವ ಕಾರ್ತಿಕ್​​ ವಿನೂತನ ಸೇವೆ ಮಾಡಿದ್ದಾನೆ. ಚಾಮುಂಡಿ ಬೆಟ್ಟದಲ್ಲಿ ಪಾದದಿಂದ ಒಂದು ಸಾವಿರ ಮೆಟ್ಟಿಲುಗಳನ್ನು ಮಂಡಿಯೂರಿ ಸಾಗುವ ಮೂಲಕ‌‌‌ ಹತ್ತಿದ್ದಾನೆ.

ಮೈಸೂರು: ಕೊರೊನಾದಿಂದ ಬಳಲುತ್ತಿರುವ ಕೇಂದ್ರ ಗೃಹಮಂತ್ರಿ ಅಮಿತ್ ಶಾ ಹಾಗೂ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ಅವರು ಗುಣಮುಖರಾಗಲಿ ಎಂದು ಯುವಕನೋರ್ವ ಮಂಡಿ ಸೇವೆ ಮಾಡಿದ್ದಾನೆ.

ಸಿಎಂ‌ ಯಡಿಯೂರಪ್ಪ ಕಟ್ಟಾ ಅಭಿಮಾನಿಯಾಗಿರುವ ಕಾರ್ತಿಕ್​​ ಈ ವಿನೂತನ ಸೇವೆ ಮಾಡಿದ್ದಾನೆ. ಚಾಮುಂಡಿ ಬೆಟ್ಟದಲ್ಲಿ ಪಾದದಿಂದ ಒಂದು ಸಾವಿರ ಮೆಟ್ಟಿಲುಗಳನ್ನು ಮಂಡಿ ಸೇವೆ ಮೂಲಕ‌‌‌ ಹತ್ತಿದ್ದಾನೆ. ಅತ್ಯಂತ ಕಠಿಣವಾದರೂ ಮಂಡಿಯಿಂದಲೇ ಬೆಟ್ಟದ ಮೆಟ್ಟಿಲುಗಳ‌ ಮೂಲಕ ಚಾಮುಂಡಿ ಸನ್ನಿಧಿ ತಲುಪಿದ ಯುವಕನು ಬಿಎಸ್​ವೈ ಗುಣಮುಖರಾಗುವವರೆಗೂ ಪಾದರಕ್ಷೆ ಧರಿಸುವುದಿಲ್ಲ ಎಂದು ಹರಕೆ ಕಟ್ಟಿಕೊಂಡಿದ್ದಾನೆ.

ಈ ಹಿಂದೆ ಬಿಜೆಪಿ ಸರ್ಕಾರ ಅಧಿಕಾರಕ್ಕೆ‌ ಬರಲಿ ಎಂದು ಒಂದೂವರೆ ವರ್ಷ ಪಾದರಕ್ಷೆ ಧರಿಸದೇ ಕಾರ್ತಿಕ್​ ತಿರುಗಾಡಿದ್ದ.