ಗೋ ಶಾಲೆಗೆ ಸಚಿವ ಪ್ರಭು ಚವ್ಹಾಣ್ ಭೇಟಿ

ಪಶುಸಂಗೋಪನೆ ಸಚಿವ ಪ್ರಭು ಚವ್ಹಾಣ್ ಅವರು ಸೋಮವಾರ ಗೋ ಶಾಲೆಗೆ ಭೇಟಿ ನೀಡಿ, ಗೋ ಪೂಜೆ ಸಲ್ಲಿಸಿದರು.

ಮಂಡ್ಯ: ಪಾಂಡವಪುರ ತಾಲೂಕಿನ ದೊಡ್ಡ ಬೇಡರಹಳ್ಳಿಯಲ್ಲಿ ಧ್ಯಾನ್ ಫೌಂಡೇಷನ್ ವತಿಯಿಂದ ನಡೆಸಲಾಗುತ್ತಿರುವ ಚೈತ್ರಾ ಗೋ ಶಾಲೆಗೆ ಪಶುಸಂಗೋಪನೆ ಸಚಿವ ಪ್ರಭು ಚವ್ಹಾಣ್ ಅವರು ಸೋಮವಾರ ಭೇಟಿ ನೀಡಿ, ಗೋ ಪೂಜೆ ಸಲ್ಲಿಸಿದರು.

ಸುಮಾರು 3.5 ಎಕರೆಯಲ್ಲಿರುವ ಗೋ ಶಾಲೆಯಲ್ಲಿ 760ಕ್ಕೂ ಹೆಚ್ಚು ಗೋವುಗಳು ಇಲ್ಲಿವೆ. ಇವುಗಳಲ್ಲಿ ಬಹುತೇಕ ಗೋವುಗಳನ್ನು ಅಕ್ರಮ ಸಾಗಣೆ ಮತ್ತು ಕಸಾಯಿಖಾನೆಗೆ ತೆಗೆದುಕೊಂಡು ಹೋಗುತ್ತಿದ್ದ ಸಂದರ್ಭದಲ್ಲಿ ರಕ್ಷಣೆ ಮಾಡಲಾಗಿದೆ.

ದೇಶದಲ್ಲಿ ಸುಮಾರು 35 ಕ್ಕೂ ಹೆಚ್ಚು ಗೋ ಶಾಲೆಗಳನ್ನು ಧ್ಯಾನ್ ಫೌಂಡೇಷನ್ ನಡೆಸುತ್ತಿದೆ. ಈ ಗೋ ಶಾಲೆಗಳಲ್ಲಿ 40 ಸಾವಿರಕ್ಕೂ ಹೆಚ್ಚು ಗೋವುಗಳನ್ನು ಆರೈಕೆ ಮಾಡಲಾಗುತ್ತಿದೆ. ಕರ್ನಾಟಕದಲ್ಲಿ ಧ್ಯಾನ್ ಫೌಂಡೇಷನ್ ಎರಡು ಗೋಶಾಲೆ ನಡೆಸುತ್ತಿದೆ. ನಂದಿ ಹೆಸರಿನ ಬ್ರಾಂಡ್ ಮೂಲಕ ಅಗ್ನಿಹೋತ್ರ, ಗೋನಾಯ್ಲ್ ಸೇರಿದಂತೆ ಅನೇಕ ಉತ್ಪನ್ನಗಳನ್ನು ಇಲ್ಲಿ ತಯಾರಿಸಲಾಗುತ್ತದೆ. ಪ್ರತಿಯೊಂದು ಗೋಶಾಲೆಗಳು ಈ ಮಾದರಿಯನ್ನು ಅಳವಡಿಸಿಕೊಂಡಲ್ಲಿ ಆರ್ಥಿಕ ನಿರ್ವಹಣೆ ಸರಿಯಾದ ರೀತಿಯಲ್ಲಿ ಆಗುತ್ತದೆ ಎಂದು ಹೇಳಿದರು.

ಗೋ ಶಾಲೆಗೆ ಸಚಿವ ಪ್ರಭು ಚವ್ಹಾಣ್ ಭೇಟಿ

ಸುಮಾರು 170 ಕ್ಕೂ ಹೆಚ್ಚು ಕರುಗಳಿಗೆ ಇಲ್ಲಿ ನಿತ್ಯ ಹಾಲುಣಿಸಲು ರಾಜ್ಯಸ್ಥಾನದಿಂದ ಗೀರ್ ಹಸುಗಳನ್ನು ತರಲಾಗಿದೆ.