ಗಣೇಶ ಮೂರ್ತಿ ವಹಿವಾಟು ಇಳಿಮುಖ, ಕುಸಿದ ಹೂ, ಹಣ್ಣು ವ್ಯಾಪಾರ

ಗಂಗಾವತಿಯಲ್ಲಿ ಗಣೇಶೋತ್ಸವ ಸಂಭ್ರಮದ ಉತ್ಸಾಹ ಕಾಣುತ್ತಿಲ್ಲ. ಹೂ, ಹಣ್ಣು, ಕಾಯಿ ವ್ಯಾಪಾರದಿಂದ ಹಿಡಿದು ಗಣೇಶ ಮೂರ್ತಿ ವಹಿವಾಟು ಕೂಡ ಕುಸಿದಿದ್ದು, ವ್ಯಾಪಾರಸ್ಥರ ಮೊಗದಲ್ಲಿ ನಗು ಕಾಣುತ್ತಿಲ್ಲ.

ಗಂಗಾವತಿ: ಶ್ರಾವಣ ಮಾಸದ ನಂತರ ಹಬ್ಬಗಳು ಸಾಲಾಗಿ ಬರುತ್ತವೆ. ಎಲ್ಲೆಲ್ಲೂ ಸಂಭ್ರಮ, ಸಂತಸ, ಹೊಸ ದಿರಿಸು ತೊಟ್ಟು ಜನರು ಸಂಭ್ರಮಿಸುತ್ತಾರೆ. ಆದರೆ, ಈ ಬಾರಿ ಎಲ್ಲದಕ್ಕೂ ಕೊರೊನಾ ಸೋಂಕು ಕಡಿವಾಣ ಹಾಕಿದೆ.

ಕುಗ್ಗಿದ ಹೂ, ಹಣ್ಣು ವ್ಯಾಪಾರ:

ಪ್ರತೀ ವರ್ಷದಂತೆ ಈ ವರ್ಷದ ಆಚರಣೆ ಇಲ್ಲದ ಕಾರಣ ನೂರಾರು ಅಂಗಡಿ ವ್ಯಾಪಾರಸ್ಥರು, ಸಾವಿರಾರು ಕಾರ್ಮಿಕರ ಆದಾಯ ಕುಸಿದಿದೆ.

ನಗರದ ಸುಮಾರು 700ಕ್ಕೂ ಹೆಚ್ಚು ಮಳಿಗೆಗಳು ನಷ್ಟದ ಭೀತಿ ಎದುರಿಸುತ್ತಿದ್ದಾರೆ. ಲಾಭಾಂಶವಲ್ಲ, ಹಾಕಿದ ಬಂಡವಾಳವೂ ವಾಪಸ್​ ಬಾರದ ಸ್ಥಿತಿಯಿದೆ ಅನ್ನೋದು ವರ್ತಕರ ಅಳಲು.

ಗಣೇಶ ಮೂರ್ತಿ ಮಾರಾಟ ಇಳಿಮುಖ:

ಮಾರುಕಟ್ಟೆಯಲ್ಲಿ ಗಣೇಶ ಮೂರ್ತಿಗಳ ವಹಿವಾಟು ಕುಂಠಿತವಾಗಿದೆ. ಪ್ರತಿ ವರ್ಷ ಅಂದಾಜು 8 ರಿಂದ 10 ಲಕ್ಷ ರೂ ವ್ಯಾಪಾರ ಮಾಡುತ್ತಿದ್ದ ತಯಾರಕರು ಈ ಸಲ ಕೇವಲ 20 ರಿಂದ 30 ಸಾವಿರ ರೂ ವಹಿವಾಟು ನಡೆಸಿದ್ದಾರೆ.

ನಗರದಲ್ಲಿ ಸುಮಾರು 20 ಕುಟುಂಬಗಳು ಮೂರ್ತಿ ತಯಾರಿಸಿ, ಮಾರಾಟದ ಮೂಲಕ ಬದುಕು ಸಾಗಿಸುತ್ತಿವೆ.