ಕೊಪ್ಪಳ: ಜಾನುವಾರುಗಳಿಗೂ - ರೈತರಿಗೂ ಅವಿನಾಭಾವ ಸಂಬಂಧವಿರುತ್ತದೆ. ಹೀಗಾಗಿಯೇ ಜಾನುವಾರುಗಳನ್ನು ತಮ್ಮ ಮನೆಯ ಮಗಳಂತೆ ನೋಡಿಕೊಳ್ಳುತ್ತಾರೆ. ಅದರಂತೆ ಇಲ್ಲೊಂದು ಕುಟುಂಬ ಮನೆಯಲ್ಲಿನ ಹಸುವಿಗೆ ಸೀಮಂತ ಕಾರ್ಯಕ್ರಮ ಮಾಡುವ ಮೂಲಕ ಸಂಭ್ರಮಿಸಿದೆ.
ಮನೆ ಮಗಳಂತಿದ್ದ ಹಸುವಿಗೂ ಶಾಸ್ತ್ರೋಕ್ತವಾಗಿ ನೆರವೇರಿತು ಸೀಮಂತ ಕಾರ್ಯಕ್ರಮ
ಕೊಪ್ಪಳ ತಾಲೂಕಿನ ಗೊಂಡಬಾಳ ಗ್ರಾಮದ ಬಸವರಾಜ ಹಳ್ಳಿಕೇರಿ ಕುಟುಂಬ ತಮ್ಮ ಮನೆಯಲ್ಲಿನ ಹಸುವಿಗೆ ಸೀಮಂತ ಕಾರ್ಯಕ್ರಮ ಮಾಡಿ ಸಂಭ್ರಮಿಸಿದೆ. ಮೂರು ವರ್ಷದ ಈ ಹಸು ಇದೀಗ ಗರ್ಭಿಣಿ (8 ತಿಂಗಳು) ಯಾಗಿದೆ. ಮನೆಯ ಮಗಳಂತೆ ಭಾವಿಸಿ ಹಳ್ಳಿಕೇರಿ ಅವರ ಕುಟುಂಬ ಹಸುವಿಗೆ ಸೀಮಂತ ಕಾರ್ಯಕ್ರಮ ಮಾಡುವ ನಿರ್ಧಾರ ಮಾಡಿದ್ದು, ಇಂದು ಶಾಸ್ತ್ರೋಕ್ತವಾಗಿ ನೆರೆಹೊರೆಯವರನ್ನು ಆಹ್ವಾನಿಸಿ ಸೀಮಂತ ಕಾರ್ಯಕ್ರಮ ನೆರವೇರಿಸಿದ್ದಾರೆ.