ಕೆಜಿಎಫ್ ಪೊಲೀಸರ ಭರ್ಜರಿ ಕಾರ್ಯಾಚರಣೆ: 1 ಕೋಟಿ ಮೌಲ್ಯದ 8 ಮೂಟೆ ಗಾಂಜಾ ವಶ

ರಾಜ್ಯದಲ್ಲಿ ಗಾಂಜಾ ಸುದ್ದಿ ​ಮುನ್ನಲೆಗೆ ಬರುತ್ತಿದ್ದಂತೆ ಫುಲ್​ ಅಲರ್ಟ್​​ ಆಗಿರುವ ಪೊಲೀಸ್​ ಇಲಾಖೆ ಗಾಂಜಾ ಮಾರುವವರ ಬೆನ್ನತ್ತಿದೆ. ಅಂತೆಯೇ ಕೆಜಿಎಫ್ ಪೊಲೀಸರು ಭರ್ಜರಿ ಕಾರ್ಯಾಚರಣೆ ನಡೆಸಿ ಸುಮಾರು 200 ಕೆಜಿಯಷ್ಟು ಗಾಂಜಾವನ್ನ ವಶಕ್ಕೆ ಪಡೆದಿದ್ದಾರೆ.

ಕೋಲಾರ:ಜಿಲ್ಲೆಯ ಕೆಜಿಎಫ್ ರಾಬರ್ಟ್ ಸನ್ ಪೇಟೆ ಪೊಲೀಸರು ಭರ್ಜರಿ ಕಾರ್ಯಾಚರಣೆಯಲ್ಲಿ ಸುಮಾರು ಒಂದು ಕೋಟಿ ಮೌಲ್ಯದ 200 ಕೆಜಿಯಷ್ಟು ಗಾಂಜಾ ಸಿಕ್ಕಿದೆ.

ಕೆಜಿಎಫ್ ಎಸ್ಪಿ ಇಲಕ್ಕಿಯಾ ಕರುಣಾಗರನ್ ನೇತೃತ್ವದಲ್ಲಿ ಕಾರ್ಯಾಚರಣೆ ನಡೆಸಿರುವ ಪೊಲೀಸರು, ಓರ್ವ ಅರೋಪಿ ಜೋಸೆಫ್ ಸೇರಿ ಸುಮಾರು 8 ಮೂಟೆ ಗಾಂಜಾ ವಶಕ್ಕೆ ಪಡೆದಿದ್ದಾರೆ. ಸದ್ಯ ಸ್ಥಳದಲ್ಲಿ ಬೀಡು ಬಿಟ್ಟಿರುವ ಡಿವೈಎಸ್​ಪಿ ಉಮೇಶ್ ಸೇರಿದಂತೆ ಪೊಲೀಸರು ಗಾಂಜಾ ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ.

ಮಾರಿಕುಪ್ಪಂ ಪೊಲೀಸ್ ಠಾಣಾ ವ್ಯಾಪ್ತಿಯ ಕೃಷ್ಣಗಿರಿ ಲೈನ್ ನ ಮನೆಯಲ್ಲಿ ಈ ಗಾಂಜಾ ಪತ್ತೆಯಾಗಿದ್ದು, ಎರಡು ಕೆಜಿ ತೂಕದ ಸುಮಾರು 80 ಪ್ಯಾಕೇಟ್​​ಗಳು ಪತ್ತೆಯಾಗಿವೆ. ಇನ್ನೂ ಈ ಸಂಬಂಧ ನಾಳೆ ಐಜಿ ಸೀಮಂತ್ ಕುಮಾರ್ ಸಿಂಗ್ ಕೆಜಿಎಫ್​​ಗೆ ಭೇಟಿ ನೀಡಲಿದ್ದಾರೆ.