ಸಂಸದ ಉಮೇಶ್ ಜಾಧವ್​ರಿಂದ ಕಲಬುರಗಿ-ತಿರುಪತಿ ವಿಮಾನ ಹಾರಾಟಕ್ಕೆ ಚಾಲನೆ

ಸ್ಟಾರ್ ಏರ್ ಸಂಸ್ಥೆ ಕಲಬುರಗಿಯಿಂದ ತಿರುಪತಿಗೆ ವಿಮಾನ ಹಾರಾಟ ಮಾಡಿದ್ದು, ಸಂಸದ ಡಾ. ಉಮೇಶ್ ಜಾಧವ್ ತಿರುಪತಿ ವಿಮಾನಯಾನಕ್ಕೆ ಚಾಲನೆ ನೀಡಿದರು.

ಕಲಬುರಗಿ:ಬೆಂಗಳೂರು, ದೆಹಲಿ, ಮುಂಬೈ ನಂತರ ಇದೀಗ ಸ್ಟಾರ್ ಏರ್ ಸಂಸ್ಥೆ ಕಲಬುರಗಿಯಿಂದ ತಿರುಪತಿಗೆ ವಿಮಾನ ಹಾರಾಟ ಆರಂಭ ಮಾಡಿದ್ದು, ಸಂಸದ ಡಾ. ಉಮೇಶ್ ಜಾಧವ್ ತಿರುಪತಿ ವಿಮಾನಯಾನಕ್ಕೆ ಚಾಲನೆ ನೀಡಿದರು.

50 ಜನ ಕುಳಿತುಕೊಳ್ಳುವ ಸಾಮರ್ಥ್ಯದ ವಿಮಾನ ಕಲಬುರಗಿ-ತಿರುಪತಿ ಮಧ್ಯೆ ಹಾರಾಟ ನಡೆಸಲಿದೆ. ಪ್ರಥಮ ದಿನವಾದ ಇಂದು 41 ಜನ ಪ್ರಯಾಣಿಕರು ತಿರುಪತಿಗೆ ಪ್ರಯಾಣ ಬೆಳಸಿದ್ದಾರೆ. ಪ್ರತಿ ಭಾನುವಾರ, ಸೋಮವಾರ, ಬುಧವಾರ, ಶುಕ್ರವಾರ ತಿರುಪತಿಗೆ ವಿಮಾನ ಹಾರಾಟ ನಡೆಯಲಿದೆ.