ಒಡೆದ ಪೈಪ್​​ಲೈನ್‌ನಿಂದ ಪೋಲಾಗುತ್ತಿದೆ ನೀರು: ಕಣ್ಣಿದ್ದು ಕುರುಡಾದ ಪುರಸಭೆ

ಸೇಡಂನ ಮಾತೃಛಾಯಾ ಕಾಲೇಜು ರಸ್ತೆಯಲ್ಲಿ ನೀರಿನ ಪೈಪ್​​ಲೈನ್ ಹಲವಾರು ತಿಂಗಳುಗಳಿಂದ ರಸ್ತೆ ಮೇಲೆ ನೀರು ಹರಿದು ಪೋಲಾಗುತ್ತಿದೆ.

ಸೇಡಂ:ಇಲ್ಲಿನ ಡಿಬಿಆರ್ ಕಾಂಪೌಂಡ್ ಬಳಿಯ ಮಾತೃಛಾಯಾ ಕಾಲೇಜು ರಸ್ತೆಯಲ್ಲಿ ನೀರಿನ ಪೈಪ್​​ಲೈನ್ ಒಡೆದಿದ್ದು, ನೀರು ಪೋಲಾಗುತ್ತಿದೆ.

ಹಲವಾರು ತಿಂಗಳುಗಳಿಂದ ರಸ್ತೆಯ ಮೇಲೆ ನೀರು ಹರಿಯುತ್ತಿದ್ದರೂ ಪುರಸಭೆ ಅಧಿಕಾರಿಗಳು ಜಾಣ ಕುರುಡು ಪ್ರದರ್ಶಿಸುತ್ತಿದ್ದಾರೆ ಎಂಬುದು ಸ್ಥಳೀಯರ ದೂರಾಗಿದೆ. ಅಲ್ಲದೇ ಕೊಳಚೆ ನೀರು ಸಹ ಪೈಪ್​​ಲೈನ್​ಗೆ ಸೇರುತ್ತಿದ್ದು, ಇದೇ ನೀರು ಅನೇಕ ಬಡಾವಣೆಗಳಿಗೆ ಸರಬರಾಜಾಗುತ್ತಿದೆ. ಇದರಿಂದ ಸಾರ್ವಜನಿಕರಲ್ಲೂ ಸಹ ರೋಗದ ಭೀತಿ ಕಾಡತೊಡಗಿದೆ.

ಕೂಡಲೇ ಪುರಸಭೆ ಅಧಿಕಾರಿಗಳು ಸಮಸ್ಯೆ ಪರಿಹರಿಸುವ ನಿಟ್ಟಿನಲ್ಲಿ ಮುಂದಾಗಬೇಕು. ಕೂಡಲೇ ಒಡೆದ ಪೈಪ್​​​ಲೈನ್ ಸರಿಪಡಿಸಬೇಕು ಎಂದು ಸ್ಥಳೀಯ ನಿವಾಸಿಗಳು ಒತ್ತಾಯಿಸಿದ್ದಾರೆ.