ಕರಳು ಕತ್ತರಿಸದೇ ಹಸುಗೂಸು ಬಿಸಾಡಿದ ಪೋಷಕರು : ದಯವಿಲ್ಲದಾ ಮಮತೆ ಇದ್ಯಾವುದಯ್ಯಾ..?

ನವಜಾತ ಶಿಶುವನ್ನು ಬಿಸಾಡಿ ಹೋದ ಅಮಾನವೀಯ ಘಟನೆ ನಗರದ ರೈಲ್ವೆ ನಿಲ್ದಾಣ ಸಮೀಪದ ಕೋರಂಟಿ ಹನುಮಾನ ದೇವಸ್ಥಾನದ ಬಳಿ ನಡೆದಿದ್ದು, ಶಿಶು ಜೀವಂತ ಇರುವಾಗಲೇ ರಾತ್ರಿ ವೇಳೆ ಪೊಷಕರೆ ಬಿಸಾಡಿ ಹೋಗಿರುವ ಶೆಂಕೆ ವ್ಯಕ್ತವಾಗಿದೆ.

ಕಲಬುರಗಿ :ರೈಲ್ವೆ ಹಳಿಯಲ್ಲಿ ನವಜಾತ ಗಂಡು ಶಿಶು ಬಿಸಾಡಿ ಹೋದ ಅಮಾನವೀಯ ಘಟನೆ ನಗರದ ರೈಲ್ವೆ ನಿಲ್ದಾಣ ಸಮೀಪದ ಕೋರಂಟಿ ಹನುಮಾನ ದೇವಸ್ಥಾನದ ಬಳಿ ನಡೆದಿದೆ.

ನವಜಾತ ಗಂಡು ಶಿಶುವಿನ ಮೃತದೇಹ ರೈಲ್ವೆ ಹಳಿಯಲ್ಲಿ ಪತ್ತೆಯಾಗಿದ್ದು, ಶಿಶು ಜೀವಂತ ಇರುವಾಗಲೇ ರಾತ್ರಿ ವೇಳೆ ಪೋಷಕರು ಬಿಸಾಡಿ ಹೋಗಿರುವ ಶಂಕೆ ವ್ಯಕ್ತವಾಗಿದೆ. ಸ್ಥಳಕ್ಕೆ ವಾಡಿ ಠಾಣೆಯ ಪಿಎಸ್ಐ ವೀರಭದ್ರ ಹೆಚ್, ಎಸ್ ಹಾಗೂ ಸಿಬ್ಬಂದಿ ಭೇಟಿ ನೀಡಿ ಪರೀಶಿಲನೆ ನಡೆಸಿದ್ದಾರೆ. ಶಿಶು ನಿರ್ದಯವಾಗಿ ಬಿಸಾಡಿ ಹೋದವರ ವಿರುದ್ಧ ಸಾರ್ವಜನಿಕರು ಹಿಡಿಶಾಪ ಹಾಕುತ್ತಿದ್ದಾರೆ.

ಕರುಳನ್ನು ಕತ್ತರಿಸದೆ ಹಸುಗೂಸನ್ನು ಬಿಸಾಡಿಹೋದ ಪೋಷಕರು

ಸದ್ಯ ಮೃತದೇಹವನ್ನು ಜಿಲ್ಲಾಸ್ಪತ್ರೆಗೆ ರವಾನಿಸಲಾಗಿದ್ದು, ಕರಳನ್ನೂ ಕುಡಾ ಕತ್ತರಿಸದ ಕಂದಮ್ಮನನ್ನು ಬಿಸಾಡಿಹೋದ ಆರೋಪಿಗಳ ಪತ್ತೆಗೆ ಪೊಲೀಸರು ಬಲೆ ಬೀಸಿದ್ದಾರೆ. ಈ ಕುರಿತು ವಾಡಿ ರೈಲ್ವೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.