ನಾನೂ ಕೂಡ ಸಚಿವಾಕಾಂಕ್ಷಿ, ರಾಜಭವನದಿಂದ ಕರೆ ಬರಬಹುದೆಂದು ಕಾಯುತ್ತಿರುವೆ : ಶಾಸಕ ತೆಲ್ಕೂರ

ಮಂತ್ರಿ ಸ್ಥಾನ ಕಲಬುರಗಿಗೆ ಬೇಕು ಅನ್ನೋ ಕೂಗಿದೆ. ಈ ಬಾರಿ ಕಲಬುರಗಿಗೆ ಸಚಿವ ಸ್ಥಾನ ಕೊಡಿ ಎಂದು ಮುಖ್ಯಮಂತ್ರಿಗಳಿಗೆ ಮತ್ತು ರಾಜ್ಯ, ರಾಷ್ಟ್ರ ನಾಯಕರಿಗೆ ಮನವಿ ಮಾಡಿದ್ದೇವೆ..

ಕಲಬುರಗಿ :ಸಚಿವ ಸಂಪುಟ ವಿಸ್ತರಣೆ ದಿನಾಂಕ ಫಿಕ್ಸ್ ಆಗುತ್ತಿದ್ದಂತೆ ಜಿಲ್ಲೆಗೆ ಸಚಿವ ಸ್ಥಾನ ನೀಡುವಂತೆ ಒತ್ತಡ ಕೇಳಿ ಬರುತ್ತಿದೆ. ಈ ನಡುವೆ ನಾನೂ ಕೂಡ ಸಚಿವಾಕಾಂಕ್ಷಿ ಇದ್ದೇನೆ ಎಂದು ಸೇಡಂ ಶಾಸಕ ರಾಜಕುಮಾರ ಪಾಟೀಲ್ ತೆಲ್ಕೂರ ಹೇಳಿದ್ದಾರೆ.

ನಗರದಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿರುವ ಅವರು, ಈ ಬಾರಿ ಸಚಿವ ಸಂಪುಟದಲ್ಲಿ ಅವಕಾಶ ಸಿಗಬಹುದು ಅನ್ನೋ ವಿಶ್ವಾಸ ಇದೆ. ನನಗೂ ರಾಜಭವನದಿಂದ ಕರೆ ಬರಬಹುದು ಎಂದು ಕಾಯ್ದು ಕುಳಿತಿದ್ದೇನೆ ಎಂದು ತೆಲ್ಕೂರ್ ಹೇಳಿದ್ದಾರೆ.

ಓದಿ...ಸಂಪುಟ ವಿಸ್ತರಣೆ ಬಗ್ಗೆ ನನಗೇನೂ ಗೊತ್ತಿಲ್ಲ; ಸಚಿವ ಸೋಮಣ್ಣ

ಮಂತ್ರಿ ಸ್ಥಾನ ಕಲಬುರಗಿಗೆ ಬೇಕು ಅನ್ನೋ ಕೂಗಿದೆ. ಈ ಬಾರಿ ಕಲಬುರಗಿಗೆ ಸಚಿವ ಸ್ಥಾನ ಕೊಡಿ ಎಂದು ಮುಖ್ಯಮಂತ್ರಿಗಳಿಗೆ ಮತ್ತು ರಾಜ್ಯ, ರಾಷ್ಟ್ರ ನಾಯಕರಿಗೆ ಮನವಿ ಮಾಡಿದ್ದೇವೆ ಎಂದರು.