ಟಾಟಾ ಏಸ್​​​ ಪಲ್ಟಿ: ಎಂಟು ವರ್ಷದ ಪುಟ್ಟ ಬಾಲಕಿ ಸಾವು

ಕಲಬುರಗಿ ಜಿಲ್ಲೆಯ ಚಿತ್ತಾಪುರ ತಾಲೂಕಿನ ವಾಡಿ ಬಳಿ ನಡೆದ ರಸ್ತೆ ಅಪಘಾತದಲ್ಲಿ ಎಂಟು ವರ್ಷದ ಬಾಲಕಿ ಸಾವನ್ನಪ್ಪಿದ್ದಾಳೆ.

ಕಲಬುರಗಿ:ದೇವಸ್ಥಾನಕ್ಕೆ ಹೋಗುವಾಗ ಟಾಟಾ ಏಸ್​​ ವಾಹನ‌ ಪಲ್ಟಿಯಾದ ಪರಿಣಾಮ ಎಂಟು ವರ್ಷದ ಪುಟ್ಟ ಬಾಲಕಿ ಮೃತಪಟ್ಟಿರುವ ಘಟನೆ ಚಿತ್ತಾಪುರ ತಾಲೂಕಿನ ವಾಡಿ ಬಳಿ ನಡೆದಿದೆ.

ಮೃತ ಬಾಲಕಿಯನ್ನು ವಾಡಿಯ ಬಿಯಾಬಾನಿ ಕಾಲೋನಿ ನಿವಾಸಿ ವೈಷ್ಣವಿ ಕಟ್ಟಿಮನಿ ಎಂದು ಗುರುತಿಸಲಾಗಿದೆ. ಸಮೀಪದ ಕೊಂಚೂರು ಆಂಜನೇಯ ದೇವಸ್ಥಾನಕ್ಕೆ ಟಾಟಾ ಏಸ್​​ನಲ್ಲಿ ಬಾಲಕಿ ಸೇರಿದಂತೆ ಇಬ್ಬರು ತೆರಳುತ್ತಿದ್ದರು.

ಟಾಟಾ ಯೇಸ್​ ವಾಹನ‌ ಪಲ್ಟಿ

ಈ ವೇಳೆ ಎದುರಿಗೆ ಬಂದ ಬೈಕ್​ ಸವಾರನನ್ನು ರಕ್ಷಿಸಲು ಹೋಗಿ ಟಾಟಾ ಏಸ್​​ ವಾಹನ ಪಲ್ಟಿಯಾಗಿ ಈ ದುರ್ಘಟನೆ ಸಂಭವಿಸಿದೆ. ಘಟನೆಯಲ್ಲಿ ಗಂಭೀರವಾಗಿ ಗಾಯಗೊಂಡ ಗಾಯಾಳುಗಳನ್ನು ಜಿಲ್ಲಾಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಈ ಸಂಬಂಧ ವಾಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.