ನದಿಯಲ್ಲಿ ಕೊಚ್ಚಿ ಹೋಗಿದ್ದ ವ್ಯಕ್ತಿ ಶವ ಪತ್ತೆ: ಮತ್ತೊಂದು ಶವಕ್ಕಾಗಿ ಮುಂದುವರಿದ ಶೋಧ ಕಾರ್ಯ

ಹಾವೇರಿಯ ನದಿಯಲ್ಲಿ ಕೊಚ್ಚಿ ಹೋಗಿದ್ದ ಹಂದಿಗನೂರು ಗ್ರಾಮದ ನಿವಾಸಿ ಪರಮೇಶಪ್ಪನ ಶವವನ್ನು ಎನ್​ಡಿಆರ್​ಎಫ್ ತಂಡ ಪತ್ತೆ ಹಚ್ಚಿದ್ದು, ಪ್ರಶಾಂತನ ದೇಹಕ್ಕಾಗಿ ಶೋಧ ಕಾರ್ಯ ಕೈಗೊಂಡಿದ್ದಾರೆ.

ಹಾವೇರಿ: ಜಿಲ್ಲೆಯ ಹಂದಿಗೆನೂರು ಗ್ರಾಮದ ನದಿಯಲ್ಲಿ ಕೊಚ್ಚಿ ಹೋಗಿದ್ದ ಇಬ್ಬರಲ್ಲಿ, ಒಬ್ಬ ವ್ಯಕ್ತಿಯ ಶವ ಪತ್ತೆಯಾಗಿದೆ.

ಹಂದಿಗನೂರು ಗ್ರಾಮದ ಪರಮೇಶಪ್ಪ ಮೃತ ದೇಹ ಪತ್ತೆ

ಗ್ರಾಮದ ಪರಮೇಶಪ್ಪ ಕಮ್ಮಾರ (62) ಎಂಬುವವರ ಮೃತದೇಹ ನದಿಯಲ್ಲಿ ಪತ್ತೆಯಾಗಿದ್ದು, ಪ್ರಶಾಂತನ ಶವಕ್ಕಾಗಿ ಎನ್​ಡಿ​ಆರ್​ಎಫ್ ತಂಡ​​​ ಶೋಧ ಕಾರ್ಯ ಮುಂದುವರೆಸಿದೆ.

ಗುರುವಾರ ಬೆಳಗ್ಗೆ ಪ್ರಶಾಂತ ಮತ್ತು ಪರಮೇಶಪ್ಪ ಎತ್ತಿನ ಮೈತೊಳೆಯಲು ನದಿಗೆ ಹೋದಾಗ ಈ ದುರ್ಘಟನೆ ನಡೆದಿತ್ತು. ಕಾಲು ಜಾರಿ ನದಿಯಲ್ಲಿ ಮುಳುಗುತ್ತಿದ್ದ ಪರಮೇಶಪ್ಪನನ್ನು ರಕ್ಷಿಸಲು ಹೋದ ಪ್ರಶಾಂತ ಕೂಡಾ ನದಿಯಲ್ಲಿ ಕೊಚ್ಚಿ ಹೋಗಿದ್ದರು.