ಎತ್ತಿನಹೊಳೆ ಕಾಮಗಾರಿ ಪರಿಶೀಲನೆ ವೇಳೆ ಶಿವಲಿಂಗೇಗೌಡ-ರಮೇಶ್​‌ ಜಾರಕಿಹೊಳಿ ಏಟು-ಎದಿರೇಟು

ಎತ್ತಿನಹೊಳೆ ನೀರಾವರಿ ಯೋಜನೆಯ ಭಾಗವಾದ ಸುರಂಗಮಾರ್ಗ ವೀಕ್ಷಣೆ ವೇಳೆ ಪ್ರತಿಕ್ರಿಯಿಸಿದ ಜೆಡಿಎಸ್‌ ಶಾಸಕ, ನೀರಂತೂ ಬರಲ್ಲ ಫೋಟೋನಾದ್ರೂ ಹೊಡೀರಪ್ಪಾ. ಜನ ಅದನ್ನೇ ನೋಡಿ ಖುಷಿ ಪಡಲಿ ಎಂದರು. ಇದಕ್ಕೆ ಉತ್ತರಿಸಿದ ಸಚಿವ ರಮೇಶ್ ಜಾರಕಿಹೊಳಿ, ಯಾಕೆ ಗೌಡ್ರೇ ನೀರು ಬರಲ್ಲ. ಸಿದ್ದರಾಮಯ್ಯ ನಿಮಗೆ ಎಲ್ಲಾ ಮಾಡಿಕೊಟ್ಟಿದ್ದಾರಲ್ಲಾ? ಎಂದರು.

ಹಾಸನ: ಕಾಮಗಾರಿ ಆಗ್ತಿದೆ. ನೀರಂತೂ ಬರಲ್ಲ, ಫೋಟೋನಾದ್ರೂ ಹೊಡೀರಪ್ಪಾ. ಜನ ಇದನ್ನಾದರೂ ನೋಡಿ ಖುಷಿಪಡಲಿ ಎಂದು ಸಚಿವರ ಮುಂದೆಯೇ ಶಾಸಕ ಶಿವಲಿಂಗೇಗೌಡ ಅಸಮಾಧಾನ ಹೊರಹಾಕಿದ್ದಾರೆ.

ಎತ್ತಿನಹೊಳೆ ನೀರಾವರಿ ಕಾಮಗಾರಿ ಸ್ಥಳಕ್ಕೆ ಭೇಟಿ ನೀಡಿದ್ದ ಸಣ್ಣ ನೀರಾವರಿ ಸಚಿವ ಸಿ.ಪಿ.ಯೋಗೇಶ್ವರ್​ ಹಾಗೂ ಜಲ ಸಂಪನ್ಮೂಲ ಸಚಿವ ರಮೇಶ್ ಜಾರಕಿಹೊಳಿ ಎದುರಲ್ಲೇ ಶಾಸಕ ಶಿವಲಿಂಗೇಗೌಡ ಈ ರೀತಿ ಅಸಮಾಧಾನ ತೋರಿಸಿದರು.

ಇದಕ್ಕೆ ಉತ್ತರಿಸಿದ ಸಚಿವ ರಮೇಶ್ ಜಾರಕಿಹೊಳಿ, ಯಾಕೆ ಗೌಡ್ರೇ ನೀರು ಬರಲ್ಲ. ಸಿದ್ದರಾಮಯ್ಯ ನಿಮಗೆ ಎಲ್ಲಾ ಮಾಡಿಕೊಟ್ಟಿದ್ದಾರಲ್ಲ? ಎಂದರು.

ಅಲ್ಲೇ ಇದ್ದ ಯೋಗೇಶ್ವರ್ ಈ ವೇಳೆ 'ಇದೆಲ್ಲಾ ಬೇಡವಾಗಿತ್ತು' ಎಂದು ಅಲ್ಲಿಂದ ತೆರಳಿದರು.

ಇದನ್ನೂ ಓದಿ:ಇಂದು ನಡೆದ ಖಾತೆ ಬದಲಾವಣೆ ಬಗ್ಗೆ ನನಗೆ ಮಾಹಿತಿ ಇಲ್ಲ: ರಮೇಶ್ ಜಾರಕಿಹೊಳಿ