ಖಾನಾಪುರ ಜನರನ್ನು ಬೆಚ್ಚಿ ಬೀಳಿಸುತ್ತಿದೆ ವಾನರಸೇನೆ... ನೆರೆಯೂರಿನ ಜನರ ಮೇಲೂ ಅಟ್ಯಾಕ್​

ಶಿರಹಟ್ಟಿ ತಾಲೂಕಿನ‌ ಖಾನಾಪುರದಲ್ಲಿ ಜನರು ಮಂಗಗಳ ಹಾವಳಿಯಿಂದ ಹೈರಾಣಾಗಿದ್ದಾರೆ. ಮಂಗಗಳಿಗೆ ಹೆದರಿ ಮನೆಗಳ ಮೇಲ್ಛಾವಣಿಗೆಲ್ಲಾ ಮುಳ್ಳು ಹಾಕಿದ್ದಾರೆ.

ಗದಗ:ಜಿಲ್ಲೆಯ ಶಿರಹಟ್ಟಿ ತಾಲೂಕಿನ‌ ಖಾನಾಪುರದಲ್ಲಿ ಜನರು ಮಂಗಗಳ ಹಾವಳಿಯಿಂದ ಹೈರಾಣಾಗಿದ್ದಾರೆ. ಮಂಗಗಳಿಗೆ ಹೆದರಿ ಮನೆಗಳ ಮೇಲ್ಛಾವಣಿಗೆಲ್ಲಾ ಮುಳ್ಳು ಹಾಕಿದ್ದಾರೆ.

ಇನ್ನು ಈ ಮಂಗಗಳಿಗೆ ಹೆದರಿದ ಪರ ಗ್ರಾಮದ ಜನರು ಖಾನಾಪುರಕ್ಕೆ ಬರಲು ಹಿಂಜರಿಯುತ್ತಿದ್ದಾರೆ. ಊರಿಗೆ ಬಂದವರು ಕೈಯಲ್ಲಿ ಏನಾದರು ವಸ್ತುವನ್ನು ತಂದರೆ ಮಂಗಗಳು ಅವರ ಮೇಲೆ ದಾಳಿ ಮಾಡುತ್ತವೆ. ಈ ಭಯದಿಂದ ಜನರು ಹೈರಾಣಾಗಿದ್ದಾರೆ.

ಇನ್ನು ಮನೆಗಳ ಮೇಲ್ಚಾವಣಿಗಳ ಮೇಲೆ ರಾಜಾರೋಷವಾಗಿ ಓಡಾಡುವ ಕೋತಿಗಳು, ಮನೆಯ ಬಾಗಿಲು ತೆರೆದಿದ್ದರೆ ಹೊಳಗೂ ಕೂಡ ಪ್ರವೇಶಿಸಿ ಮನೆಯ ವಸ್ತುಗಳನ್ನು ಚೆಲ್ಲಾಪಿಲ್ಲಿ ಮಾಡುತ್ತವೆ ಎಂದು ಜನರು ಆತಂಕ ವ್ಯಕ್ತಪಡಿಸುತ್ತಿದ್ದಾರೆ.

ಇನ್ನು ಗ್ರಾಮದಲ್ಲಿ 300ಕ್ಕೂ ಅಧಿಕ ಮಂಗಗಳಿದ್ದು, ಈ ಬಗ್ಗೆ ಪಟ್ಟಣ ಪಂಚಾಯತಿ, ಶಿರಹಟ್ಟಿ ತಹಶಸೀಲ್ದಾರ್, ಅರಣ್ಯ ಇಲಾಖೆ ಅಧಿಕಾರಿಗಳು, ಸೇರಿದಂತೆ ಜಿಲ್ಲಾಧಿಕಾರಿಗಳ ಗಮನಕ್ಕೂ ತರಲಾಗಿದೆ. ಆದ್ರೆ ಯಾವ ಪ್ರಯೋಜನವೂ ಇಲ್ಲ ಎಂದು ಸ್ಥಳೀಯರು ಆರೋಪಿಸುತ್ತಿದ್ದಾರೆ.