ಧಾರಾವಾಡದಲ್ಲಿ ವರ್ಚುವಲ್ ಗಣೇಶೋತ್ಸವ: ಮುತಾಲಿಕ್​ ಭಾಗಿ

ಕೊರೊನಾ ಹಾವಳಿಯಿಂದಾಗಿ ಈ ಬಾರಿ ಗಣೇಶ ವಿಗ್ರಹಗಳನ್ನು ಖರೀದಿಸಲು ಅಸಾಧ್ಯವಾದ ಹಿನ್ನೆಲೆಯಲ್ಲಿ ವಿದೇಶದಲ್ಲಿ ಕುಳಿತು ಆನ್​ಲೈನ್​ ಮೂಲಕ ಗಣಪತಿ ಮೂರ್ತಿ ಖರೀದಿಸಿದ್ದಾರೆ. ಅಷ್ಟೇ ಅಲ್ಲದೆ ಅವರ ಹೆಸರಿನಲ್ಲಿ ಗ್ಲೋಬಲ್ ವರ್ಚುವಲ್ ಗಣೇಶೋತ್ಸವ ಎಂದು ಹೇಳಿ ನಿತ್ಯವು ಆನ್​ಲೈನ್​ ಮೂಲಕ ಪೂಜೆ ನಡೆಸಲಾತ್ತಿದೆ.

ಧಾರವಾಡ:ಇಲ್ಲಿನ ಕೆಲಗೇರಿ ಗಾಯತ್ರಿಪುರ ಪರಿಸರ ಸ್ನೇಹಿ ಗಣೇಶ ವಿಗ್ರಹ ತಯಾರಕ ಮಂಜುನಾಥ ಹಿರೇಮಠ ಅವರ ಮನೆಯಲ್ಲಿ ಜಾಗತಿಕ ಗಣೇಶೋತ್ಸವ ನಿಮಿತ್ತ ವಿಶೇಷ ಪೂಜೆ, ಭಜನೆ ಕಾರ್ಯಕ್ರಮ ನಡೆಸಲಾಯಿತು.

ಕೊರೊನಾ ಹಾವಳಿಯಿಂದಾಗಿ ಈ ಬಾರಿ ಗಣೇಶ ವಿಗ್ರಹಗಳನ್ನು ಖರೀದಿಸಲು ಜನರು ಮುಂದೆ ಬಂದಿರಲಿಲ್ಲ. ಈ ಹಿನ್ನೆಲೆಯಲ್ಲಿ ವಿದೇಶದಲ್ಲಿರುವ ಗಣೇಶ ಭಕ್ತರು ಇವರ ವಿಗ್ರಹಗಳನ್ನು ಖರೀದಿಸಿದ್ದರು. ಈ ಕಾರಣಕ್ಕೆ ವಿದೇಶದಲ್ಲಿರುವವರ ಹೆಸರಿನಲ್ಲಿ ಗ್ಲೋಬಲ್ ವರ್ಚುವಲ್ ಗಣೇಶೋತ್ಸವ ಎಂದು ಹೇಳಿ ನಿತ್ಯವು ಆನ್​ಲೈನ್​ ಮೂಲಕ ಪೂಜೆ ನಡೆಸಲಾಗುತ್ತಿದೆ.

ಇಂದು ನಡೆದ ಪೂಜೆಯಲ್ಲಿ ಶ್ರೀರಾಮ ಸೇನೆ ಸಂಸ್ಥಾಪಕ ಅಧ್ಯಕ್ಷ ಪ್ರಮೋದ್​ ಮುತಾಲಿಕ್ ಭಾಗವಹಿಸಿ ಪೂಜೆ ಮಾಡಿ ಶಂಕನಾದ ಮೊಳಗಿಸಿದರು. ಸರ್ಕಾರ ಕಲಾವಿದರ ನೆರವಿಗೆ ಬರಬೇಕು ಎಂದು ಇದೇ ಸಂದರ್ಭದಲ್ಲಿ ಆಗ್ರಹಿಸಿದರು.