ಮೈಸೂರಲ್ಲಿ ಮಿಂಚಿದ ಹುಬ್ಬಳ್ಳಿ ಹುಡ್ಗಿ: ಮಿಸ್​ ಯುವ ಕರ್ನಾಟಕ ಪ್ರಶಸ್ತಿಗೆ ಮುತ್ತಿಕ್ಕಿದ ಸಾಂಸ್ಕೃತಿಕ ಸುಂದರಿ

ದಸರಾ ಉತ್ಸವದ ಪ್ರಯುಕ್ತ ಮೈಸೂರಿನಲ್ಲಿ ನಡೆದ ಫ್ಯಾಷನ್​ ಶೋನಲ್ಲಿ ಭಾಗವಹಿಸಿದ್ದ ಹುಬ್ಬಳ್ಳಿಯ ಚಂದ್ರಕಾಂತ್​ ನಗರದ ರಾಘವ ಕಾಲೋನಿಯ ನಿವಾಸಿ ಶ್ವೇತಾ ಮಾಲತೇಶ್​ ಬಾರ್ಕಿ ‘ಮಿಸ್ ಯುವ ಕರ್ನಾಟಕ ಅವಾರ್ಡ್’ ಅನ್ನು ಮುಡಿಗೇರಿಸಿಕೊಂಡಿದ್ದು, ಹುಬ್ಬಳ್ಳಿ ಮಂದಿಯ ಪ್ರೀತಿಗೆ ಪಾತ್ರರಾಗಿದ್ದಾರೆ.

ಹುಬ್ಬಳ್ಳಿ:ಮೈಸೂರು ದಸರಾ ಉತ್ಸವದಲ್ಲಿ ನಡೆದ ಫ್ಯಾಷನ್​ ಶೋನಲ್ಲಿ ಹುಬ್ಬಳ್ಳಿಯ ಶ್ವೇತಾ 'ಮಿಸ್​ ಯುವ ಕರ್ನಾಟಕ ಅವಾರ್ಡ್'​​ ಅನ್ನು ಮುಡಿಗೇರಿಸಿಕೊಂಡಿದ್ದಾರೆ.

ದಸರಾ ಉತ್ಸವದ ಪ್ರಯುಕ್ತ ಮೈಸೂರಿನಲ್ಲಿ ನಡೆದ ಮಿಸ್ಟರ್​​ ಆಂಡ್ ಮಿಸ್​ ಯುವ ಕರ್ನಾಟಕ ಫ್ಯಾಷನ್​ ಶೋನಲ್ಲಿ ಭಾಗವಹಿಸಿದ್ದ ಚಂದ್ರಕಾಂತ್​ ನಗರದ ನಿವಾಸಿ ಶ್ವೇತಾ ಮಾಲತೇಶ್​ ಬಾರ್ಕಿ ‘ಮಿಸ್ ಯುವ ಕರ್ನಾಟಕ ಅವಾರ್ಡ್’ ಪಡೆದು, ಹುಬ್ಬಳ್ಳಿ ಮಂದಿಯ ಪ್ರೀತಿಗೆ ಪಾತ್ರರಾಗಿದ್ದಾರೆ.

ಮಿಸ್​ ಯವ ಕರ್ನಾಟಕ ಪ್ರಶಸ್ತಿ ಮುಡಿಗೇರಿಸಿಕೊಂಡ ಶ್ವೇತಾ

ಈಗಾಗಲೇ ಹಲವು ಸ್ಪರ್ಧೆಗಳಲ್ಲಿ ಭಾಗವಹಿಸಿ ಪ್ರಶಸ್ತಿಗಳನ್ನು ಬಾಚಿಕೊಂಡಿರುವ ಶ್ವೇತಾ, 2018ರಲ್ಲಿ ಬೆಂಗಳೂರಿನಲ್ಲಿ ನಡೆದಿದ್ದ ಸ್ಯಾಂಡಲ್​ವುಡ್​ ಈವೆಂಟ್ಸ್ ಮತ್ತು ಈಶ್ ಈವೆಂಟ್ಸ್ ಆಯೋಜಿಸಿದ್ದ 'ಸಾಂಸ್ಕೃತಿಕ ಸುಂದರಿ' ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನ ಪಡೆದಿದ್ದರು.

‌ಸದಾ ಒಂದಿಲ್ಲೊಂದು ಚಟುವಟಿಕೆಯಲ್ಲಿ ತಮ್ಮನ್ನು ತೊಡಗಿಸಿಕೊಂಡು ಕುಟುಂಬ ಹಾಗೂ ನಾಡಿಗೆ ಕೀರ್ತಿ ತರುತ್ತಿರುವ ಇವರಿಗೆ ಅವರ ತಂದೆ ಮಾಲತೇಶ್​ ಬಾರ್ಕಿ ಹಾಗೂ ತಾಯಿ ಮೀನಾಕ್ಷಿ ಅವರು ಬೆಂಗಾವಲಾಗಿ ನಿಂತಿದ್ದಾರೆ. ವಿಶೇಷವೆಂದರೆ ಶ್ವೇತಾಳ ತಂದೆ ಮತ್ತು ತಾಯಿ ಇಬ್ಬರೂ ಪೊಲೀಸ್ ಇಲಾಖೆಯಲ್ಲಿ ಕೆಲಸ ನಿರ್ವಹಿಸುತ್ತಿದ್ದು, ಮಗಳ ಸಾಧನೆ ಬಗ್ಗೆ ಹೆಮ್ಮೆ ವ್ಯಕ್ತಪಡಿಸಿದ್ದಾರೆ.