ಅಶೋಕ್ ಖೇಣಿಗೆ ಮನುಷ್ಯತ್ವವೇ ಇಲ್ಲ: ಮಾಜಿ ಸಭಾಪತಿ ಬಸವರಾಜ ಹೊರಟ್ಟಿ

ಕಾರು ಅಪಘಾತದಲ್ಲಿ ಕುಂದಗೋಳದ ಶ್ರೀ ಬಸವೇಶ್ವರ ಸ್ವಾಮೀಜಿ ಮೃತಪಟ್ಟ ಹಿನ್ನೆಲೆ, ಮಾಜಿ ಸಭಾಪತಿ ಬಸವರಾಜ ಹೊರಟ್ಟಿ ಜಿಲ್ಲಾಸ್ಪತ್ರೆಯ ಶವಾಗಾರಕ್ಕೆ ಭೇಟಿ ನೀಡಿದರು.

ಧಾರವಾಡ: ಕಾರು ಅಪಘಾತದಲ್ಲಿ ಕುಂದಗೋಳದ ಶ್ರೀ ಬಸವೇಶ್ವರ ಸ್ವಾಮೀಜಿ ಮೃತಪಟ್ಟ ಹಿನ್ನೆಲೆ, ಮಾಜಿ ಸಭಾಪತಿ ಬಸವರಾಜ ಹೊರಟ್ಟಿ ಜಿಲ್ಲಾಸ್ಪತ್ರೆಯ ಶವಾಗಾರಕ್ಕೆ ಭೇಟಿ ನೀಡಿದರು.

ಈ ವೇಳೆ ಮಾತನಾಡಿದ ಅವರು,ಸ್ವಾಮೀಜಿ ಬಹಳ ಜನಪ್ರಿಯ ಶಿಕ್ಷಣ ಪ್ರೇಮಿಗಳಾಗಿದ್ದರು. ಅವರು ಮೃತಪಟ್ಟಿದ್ದು ದುರ್ದೈವದ ಸಂಗತಿಯಾಗಿದೆ ಎಂದರು. ಸ್ವಾಮೀಜಿ‌ಯವರ ಕಾರು ಅಪಘಾತವಾದ ಕೆಲವೇ ಕ್ಷಣಗಳ ಮೊದಲು ನಾನು ಅಲ್ಲಿದ್ದೆ. ಬೆಂಗಳೂರಿಂದ ಮುಂಬೈಗೆ ಒಂದೇ ಹೈವೇ ಇದ್ದು, ಇಷ್ಟೆಲ್ಲಾ ಅಪಘಾತಗಳು ಸಂಭವಿಸಿದ್ರೂ ಸಹ ಬೈಪಾಸ್​​ನ್ನು ಪೋರ್ ಲೈನ್ ಮಾಡಲಾಗಿಲ್ಲ ಎಂದರು. ಅಶೋಕ್ ಖೇಣಿಯ ಗುತ್ತಿಗೆಯಲ್ಲಿ ಈ ಬೈಪಾಸ್​​ಯಿದ್ದು, ಈ ಬೈಪಾಸ್​​ನ್ನು ಫೋರ್ ಲೈನ್ ಮಾಡಿದ್ರೇ, ಅಪಘಾತಗಳು ಕಡಿಮೆಯಾಗಲಿವೆ. ಅಶೋಕ‌‌ ಖೇಣಿಗೆ ಮನುಷ್ಯತ್ವವೇ ಇಲ್ಲ ಎಂದರು.

ಈ ವಿಚಾರವಾಗಿ ಸದನದಲ್ಲಿ ಚರ್ಚೆ ಮಾಡುತ್ತೇನೆ. ಒಟ್ಟಾರೆ ಮೂರು ವರ್ಷದಲ್ಲಿ ನಾಲ್ಕು‌ ನೂರು ಜನರು ಅಪಘಾತದಿಂದ ಮೃತಪಟ್ಟಿದ್ದಾರೆ. ಈ‌ ಕುರಿತು ಸರ್ಕಾರ ಕೂಡಲೇ ಕ್ರಮ ಜರುಗಿಸಬೇಕಿದೆ ಎಂದು ಆಗ್ರಹಿಸಿದರು.