ರಸ್ತೆ ಅಪಘಾತ: ಬೈಕ್ ಸವಾರ ಸಾವು ಇಬ್ಬರ ಸ್ಥಿತಿ ಗಂಭೀರ

ಧಾರವಾಡದಲ್ಲಿ ಬೈಕ್ ಹಾಗೂ ಆಟೋ ನಡುವೆ ಡಿಕ್ಕಿಯಾಗಿ ಓರ್ವ ಮೃತಪಟ್ಟಿದ್ದಾನೆ.

ಧಾರವಾಡ:ಬೈಕ್ ಹಾಗೂ ಆಟೋ ನಡುವೆ ಡಿಕ್ಕಿಯಾಗಿ ಸವಾರ ಮೃತಪಟ್ಟು, ಇಬ್ಬರ ಸ್ಥಿತಿ ಗಂಭೀರವಾಗಿರುವ ಘಟನೆ, ತಾಲೂಕಿನ ಹೊಲ್ತಿಕೋಟಿ ಕ್ರಾಸ್ ಬಳಿ ಜರುಗಿದೆ.

ಧಾರವಾಡ ತಾಲೂಕಿನ ನಿಗದಿ ಗ್ರಾಮದ ಸಂತೋಷ ಪಾಟೀಲ್ (22), ಮೃತ ಯುವಕ. ಸಂಕ್ರಮಣದ ಹಿನ್ನೆಲೆ ದಾಂಡೇಲಿಯ ಕಾಳಿ ನದಿ ಸ್ನಾನಕ್ಕೆ ಹೊರಟಿದ್ದ ವೇಳೆ ಆಟೋಗೆ ಬೈಕ್ ಡಿಕ್ಕಿ ಹೊಡೆದಿದೆ.

ಸಂತೋಷ ಕಮ್ಮಾರ್( 22) ರವಿ ರೇವಣ್ಣವರ್ (19) ಗಂಭೀರವಾಗಿ ಗಾಯಗೊಂಡ ಯುವಕರು. ಗಾಯಾಳುಗಳನ್ನು ಧಾರವಾಡ ಜಿಲ್ಲಾಸ್ಪತ್ರೆಗೆ ದಾಖಲು ಮಾಡಲಾಗಿದೆ.