ದಾವಣಗೆರೆ: ಜಿಲ್ಲೆಯ ಹೊನ್ನಾಳಿ ತಾಲೂಕಿನ ಬೆನಕನಹಳ್ಳಿ ಗ್ರಾಮ ಪಂಚಾಯತ್ನ ಲೆಕ್ಕಾಧಿಕಾರಿ ಧರ್ಮಪ್ಪ ಅವರು ವ್ಯಕ್ತಿಯೋರ್ವರಲ್ಲಿ ಲಂಚ ಕೇಳಿದ್ದಾರೆ ಎನ್ನಲಾದ ವಿಡಿಯೋ ವೈರಲ್ ಆಗಿದೆ. ಗ್ರಾಮ ಲೆಕ್ಕಾಧಿಕಾರಿ 2 ಸಾವಿರ ಲಂಚ ಕೇಳಿದ್ದು, 500 ರೂ. ಕೊಡಲು ಹೋದ ವ್ಯಕ್ತಿಯನ್ನು ವಾಪಸ್ ಕಳುಹಿಸಿದ್ದಾರೆ ಎನ್ನಲಾಗ್ತಿದೆ.
ಪೌತಿ ಖಾತೆ ಮಾಡಿಸಲು ಬೆನಕನಹಳ್ಳಿ ಗ್ರಾಮ ಲೆಕ್ಕಾಧಿಕಾರಿ ಧರ್ಮಪ್ಪ ಬಳಿ ಬಂದ ವ್ಯಕ್ತಿ (ಹೆಸರು ಹೇಳಲಿಚ್ಛಿಸದವರು) ತಮ್ಮ ಫೈಲ್ ಮೂವ್ ಮಾಡುವಂತೆ ಹೇಳಿ 500 ರೂಪಾಯಿ ಕೊಡಲು ಮುಂದಾಗಿದ್ದಾರೆ. ಈ ವೇಳೆ, 500 ರೂಪಾಯಿ ಕೊಡಲು ಬರುತ್ತೀಯಾ, ನೀನೇ ಇಟ್ಟುಕೊಂಡು ಹೋಗು, ನಾನು ಆರ್ಐಗೆ 500 ಮತ್ತು ಸಿಬ್ಬಂದಿಗೆ 300 ರೂ. ಕೊಡಬೇಕು. ಅವರಿಗೆ ಕೊಟ್ಟ ಮೇಲೆ ನನಗೇನು ಉಳಿಯುತ್ತದೆ ಎಂದು ವ್ಯಕ್ತಿಗೆ ಆವಾಜ್ ಹಾಕಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ.
2,000 ಲಂಚ ಕೇಳಿದ ಗ್ರಾಮ ಲೆಕ್ಕಾಧಿಕಾರಿ - ವಿಡಿಯೋ ವೈರಲ್