ದಾವಣಗೆರೆಯಲ್ಲಿ ಹಿರಿಯರ ಹುಮ್ಮಸ್ಸಿನ ಮತದಾನ

ದಾವಣಗೆರೆ ತಾಲೂಕಿನ ಹದಡಿ ಹಾಗೂ ಶಿರಮಗೊಂಡನಹಳ್ಳಿ ಗ್ರಾಮದಲ್ಲಿ ಸುಮಾರು ಹತ್ತಕ್ಕು ಹೆಚ್ಚು ಜನ ವೃದ್ಧರು ಮತದಾನ ಮಾಡಿದರು.

ದಾವಣಗೆರೆ: ಗ್ರಾ.ಪಂ ಚುನಾವಣೆಗೆ ಮತದಾನ ಆರಂಭವಾಗಿದ್ದು, ವೃದ್ಧರು ಹುಮ್ಮಸ್ಸಿನಿಂದ ಬಂದು ತಮ್ಮ ಹಕ್ಕನ್ನು ಚಲಾಯಿಸಿದರು. ದಾವಣಗೆರೆ ತಾಲೂಕಿನ ಹದಡಿ ಹಾಗೂ ಶಿರಮಗೊಂಡನಹಳ್ಳಿ ಗ್ರಾಮದಲ್ಲಿ ಸುಮಾರು ಹತ್ತಕ್ಕೂ ಹೆಚ್ಚು ಜನ ವೃದ್ಧರು ಮತದಾನ ಮಾಡಿದರು.

ಹದಡಿಯ ಮೂರು ಮತಗಟ್ಟೆಗಳಲ್ಲಿ ಬಿರುಸಿನ ಮತದಾನ ಆರಂಭವಾಗಿದ್ದು, ವೃದ್ಧರು ಕೂಡ ಸರತಿ ಸಾಲಿನಲ್ಲಿ ನಿಂತು ಮತದಾನ ಮಾಡಿದರು. ವೃದ್ಧರನ್ನು ಮನೆಯಿಂದ ಮತಗಟ್ಟೆಗೆ ಕರೆತರಲು ಯುವಕರು ಸಹಾಯ ಮಾಡಿದ್ದು, ಮತ ಹಾಕಲು ಕೂಡ ಸಹಕರಿಸಿದರು.

ವಿಕಲಚೇತನರು ವ್ಹೀಲ್ ಚೇರ್ ಸಹಾಯದಿಂದ ಮತಗಟ್ಟೆಗೆ ಆಗಮಿಸಿ ಮತದಾನ ಮಾಡಿದರು.