ಬ್ಯಾಂಕ್​ನಿಂದ ಡ್ರಾ ಮಾಡಿದ್ದ ರೈತನ ₹ 2 ಲಕ್ಷ ಕದ್ದೊಯ್ದ ಖದೀಮರು: ಪೊಲೀಸರ ಮೊರೆ ಹೋದ ಅನ್ನದಾತ

ಬ್ಯಾಂಕ್​ನಿಂದ ₹ 2 ಲಕ್ಷ ಹಣ ಡ್ರಾ ಮಾಡಿಕೊಂಡು, ಬೈಕ್​ ಮೇಲೆ ತೆರಳುತ್ತಿದ್ದ ಹಳೇ ಕುಂದುವಾಡ ಗ್ರಾಮದ ರೈತ ಚಿಲ್ಲರೆ ತರಲು ಹೋಗಿ ಹಣ ಕಳೆದುಕೊಂಡ ಘಟನೆ ದಾವಣಗೆರೆ ಬಡಾವಣೆ ಪೊಲೀಸ್​ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ.

ದಾವಣಗೆರೆ: ಬ್ಯಾಂಕ್​ನಿಂದ ₹ 2 ಲಕ್ಷ ಬಿಡಿಸಿಕೊಂಡು ಬೈಕ್​ನ ಮುಂಭಾಗದ ಬ್ಯಾಗ್​ನಲ್ಲಿಟ್ಟಿದ್ದ ರೈತ ದಾರಿ ಮಧ್ಯೆ ₹ 2 ಸಾವಿರ ಚಿಲ್ಲರೆ ತರಲು ತೆರಳಿದ್ದ ವೇಳೆ ಕಳ್ಳರು ಕೈಚಳಕ ತೋರಿಸಿದ್ದಾರೆ.

ನಗರದ ಪಿಬಿ ರಸ್ತೆಯಲ್ಲಿರುವ ಆಕ್ಸಿಸ್​​ ಬ್ಯಾಂಕ್​ನಿಂದ ಹಳೆ ಕುಂದುವಾಡ ಗ್ರಾಮದ ವಿರುಪಾಕ್ಷಪ್ಪ ಎಂಬುವರು ಹಣ ತೆಗೆದುಕೊಂಡು ಹೋಗುವ ಖದೀಮರು ಹಣ ಕದ್ದೊಯ್ದಿದ್ದಾರೆ.

ತೋಟದ ಕೂಲಿ ಕಾರ್ಮಿಕರಿಗೆ ನೀಡಲು ಚಿಲ್ಲರೆ ಬೇಕಿತ್ತು. ಹಾಗಾಗಿ 2 ಸಾವಿರ ರೂ. ನೋಟಿಗೆ ಚಿಲ್ಲರೆ ತರಲು ಹೋದಾಗ ಖದೀಮರು ಈ ಕೃತ್ಯ ನಡೆಸಿದ್ದಾರೆ. ಸಾಲ ಮಾಡಿದ ಹಣ, ದಯವಿಟ್ಟು ಹುಡುಕಿಕೊಡಿ ಎಂದು ರೈತ ವಿರುಪಾಕ್ಷಪ್ಪ ಪೊಲೀಸರಿಗೆ ಮನವಿ ಮಾಡಿದ್ದಾರೆ.

ಖದೀಮರು ಬ್ಯಾಂಕ್​ನಿಂದಲೇ ಹಿಂಬಾಲಿಸಿ, ಹಣ ಕದ್ದು ಪರಾರಿಯಾಗಿದ್ದಾರೆ.

ಬಡಾವಣೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.