ಕಡಬ ನ್ಯಾಯಬೆಲೆ ಅಂಗಡಿ, ಬ್ಯಾಂಕುಗಳಲ್ಲಿ ಭಾರೀ ಜನಸಂದಣಿ.. ನಿಯಂತ್ರಿಸಲು ಪೊಲೀಸರ ಹರಸಾಹಸ..

ನ್ಯಾಯಬೆಲೆ ಅಂಗಡಿಗಳಲ್ಲಿ ಗೇರುಬೀಜ ಖರೀದಿ, ಈರುಳ್ಳಿ, ಮೆಣಸು ಮಾರಾಟ ಮಾಡುತ್ತಿರುವುದೇ ಜನ ಸೇರಲು ಮುಖ್ಯ ಕಾರಣ.

ಕಡಬ:ಲಾಕ್​ಡೌನ್ ಆದೇಶದ ನಡುವೆಯೂ ಕಡಬ ಮತ್ತು ಕಲ್ಲುಗುಡ್ಡೆ ನ್ಯಾಯಬೆಲೆ ಅಂಗಡಿ, ಬ್ಯಾಂಕ್​ಗಳ ಮುಂಭಾಗದಲ್ಲಿ ಯಾವುದೇ ಮುಂಜಾಗೃತೆಯಿಲ್ಲದೆ ಭಾರೀ ಜನ ಸಂದಣಿ ಸೇರಿರುವುದು ಕಂಡು ಬಂದಿತು.

ನ್ಯಾಯಬೆಲೆ ಅಂಗಡಿಗಳಲ್ಲಿ ಗೇರುಬೀಜ ಖರೀದಿ, ಈರುಳ್ಳಿ, ಮೆಣಸು ಮಾರಾಟ ಮಾಡುತ್ತಿರುವುದೇ ಜನ ಸೇರಲು ಮುಖ್ಯ ಕಾರಣ. ಅಷ್ಟೇ ಅಲ್ಲ, ನ್ಯಾಯಬೆಲೆ ಅಂಗಡಿಳಲ್ಲಿ ಕೌಂಟರ್​ಗಳನ್ನು ಒಂದಕ್ಕೊಂದು ಬಹಳ ಸಮೀಪದಲ್ಲೇ ಮಾಡಿರುವುದು ಜನ ಕಿಕ್ಕಿರಿದು ಸೇರಲು ಮುಖ್ಯ ಕಾರಣವಾಗಿದೆ.

ಕಡಬ,ಕಲ್ಲುಗುಡ್ಡೆ ಪ್ರದೇಶಗಳಲ್ಲಿ ಬ್ಯಾಂಕುಗಳಲ್ಲೂ ದೊಡ್ಡ ಮಟ್ಟದ ಸಾಲು ಕಂಡು ಬಂದಿತು. ತೀವ್ರ ಜನಸಂದಣಿಯಿಂದ ಪೊಲೀಸರು ಜನ ನಿಯಂತ್ರಣಕ್ಕೆ ಕಷ್ಟಪಡುವಂತಾಗಿದೆ.