ಸುಳ್ಯ, ಕಡಬದಲ್ಲಿ ಶಾಸಕರ ಕೋವಿಡ್ ವಾರ್​ ರೂಂ ಉದ್ಘಾಟನೆ

ಸುಳ್ಯ ವಿಧಾನಸಭಾ ಕ್ಷೇತ್ರದ ಜನರಿಗಾಗಿ ಸುಳ್ಯ ಮತ್ತು ಕಡಬದಲ್ಲಿ ಶಾಸಕರ ಕೋವಿಡ್ ವಾರ್​ ರೂಂ ತೆರೆಯಲಾಗಿದೆ.

ಸುಳ್ಯ:ಕಡಬ ಮತ್ತು ಸುಳ್ಯ ತಾಲೂಕುಗಳಲ್ಲಿ ಯಾರಾದರೂ ಕೋವಿಡ್ ಸೋಂಕಿಗೆ ಒಳಗಾದರೆ ಶಾಸಕರ ವಾರ್ ರೂಂ ಮೂಲಕ ಸಹಾಯ ಮಾಡಲಾಗುವುದು ಎಂದು ಸಚಿವ ಎಸ್.ಅಂಗಾರ ಹೇಳಿದರು.

ಸುಳ್ಯ ಹಾಗೂ ಕಡಬದಲ್ಲಿ ಶಾಸಕರ ಕೋವಿಡ್ ವಾರ್ ರೂಂ ಉದ್ಘಾಟಿಸಿ ಮಾತನಾಡಿದ ಅವರು, ಸುಳ್ಯ ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯಲ್ಲಿ ಯಾರಾದರೂ ಕೊರೊನಾದಿಂದ ಸಂಕಷ್ಟ ಎದುರಿಸುತ್ತಿರುವವರು ಶಾಸಕರ ವಾರ್ ರೂಂ ಸಂಪರ್ಕಿಸಿದರೆ ಅವರಿಗೆ ಬೇಕಾದ ಆ್ಯಂಬ್ಯುಲೆನ್ಸ್ ಒದಗಿಸಿಕೊಡುವುದು, ಔಷಧಿ ತಲುಪಿಸುವುದು ಸೇರಿಂದಂತೆ ಅಗತ್ಯ ಸಹಾಯ ಮಾಡಿಕೊಡಲಾಗುವುದು ಎಂದರು.

ಹೋಂ ಐಸೋಲೇಷನ್​​ನಲ್ಲಿರುವ ಕೋವಿಡ್ ಸೋಂಕಿತರು ನಿಯಮ ಉಲ್ಲಂಘಿಸಿ ಹೊರಗಡೆ ತಿರುಗಾಡುವುದು ಕಂಡು ಬಂದರೆ, ಅವರನ್ನು ಕೋವಿಡ್ ಕೇರ್ ಸೆಂಟರ್​ಗೆ ಸೇರಿಸಲಾಗುವುದು ಎಂದರು.