ಕಾರ್ಮಿಕನ ಮೇಲೆ ಜಾರಿ ಬಿದ್ದ ಕಂಟೈನರ್: ಸ್ಥಳದಲ್ಲೇ ಕಾರ್ಮಿಕ ಸಾವು

ಮಂಗಳೂರಿನ ಪಣಂಬೂರಿನಲ್ಲಿರುವ ಎನ್ಎಂಪಿಟಿಯಲ್ಲಿ ಕಂಟೈನರ್ ಕಾರ್ಮಿಕನ ಮೇಲೆ ಜಾರಿ ಬಿದ್ದ ಪರಿಣಾಮ ಕಾರ್ಮಿಕ ಸ್ಥಳದಲ್ಲಿ ಸಾವನ್ನಪ್ಪಿದ ಘಟನೆ ನಡೆದಿದೆ.

ಮಂಗಳೂರು: ನಗರದ ಪಣಂಬೂರಿನಲ್ಲಿರುವ ಎನ್ಎಂಪಿಟಿಯಲ್ಲಿ ಕಂಟೈನರ್ ಕಾರ್ಮಿಕನ ಮೇಲೆ ಜಾರಿ ಬಿದ್ದ ಪರಿಣಾಮ ಕಾರ್ಮಿಕ ಸ್ಥಳದಲ್ಲಿ ಸಾವನ್ನಪ್ಪಿದ ಘಟನೆ ನಡೆದಿದೆ.

ಜಿಲ್ಲೆಯ ವಾಮಂಜೂರು ನಿವಾಸಿ ವಿನೋದ್ ಪೂಜಾರಿ ಮೃತಪಟ್ಟವರು. ಹಡಗಿಗೆ ರಫ್ತು ಮಾಡುತ್ತಿದ್ದ ಕಂಟೈನರ್ ಲಾರಿಯಿಂದ ಜಾರಿ ಕ್ಯಾಬಿನ್ ಮೇಲೆ ಬಿದ್ದು, ಕ್ಯಾಬಿನ್​ನಲ್ಲಿದ್ದ ವಿನೋದ್ ಸ್ಥಳದಲ್ಲಿ ಸಾವನ್ನಪ್ಪಿದ್ದಾರೆ. ಲಾರಿಯಲ್ಲಿ ಸೇಪ್ಟಿ ಲಾಕರ್ ಹಾಕದ ಪರಿಣಾಮ ಈ ದುರ್ಘಟನೆ ಸಂಭವಿಸಿದೆ.

ಇನ್ನು ಈ ಸಂಬಂಧ ಪಣಂಬೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.