ಕಾಡಾನೆ ಪ್ರತ್ಯಕ್ಷ: ಭಯಬೀತರಾದ ದಾರಿಹೋಕರು

ಚಿಕ್ಕಮಗಳೂರಿನ ಮೂಡಿಗೆರೆ ತಾಲೂಕಿನ ಕುದುರೆಮುಖ ರಾಷ್ಟ್ರೀಯ ಉದ್ಯಾನವನದ ಪ್ರಮುಖ ರಸ್ತೆಯಲ್ಲಿ ಕಾಡಾನೆ ಪ್ರತ್ಯಕ್ಷವಾಗಿತ್ತು.

ಚಿಕ್ಕಮಗಳೂರು:ಜಿಲ್ಲೆಯಲ್ಲಿ ರಾತ್ರಿ ವೇಳೆ ರಸ್ತೆಯಲ್ಲಿ ಕಾಡಾನೆ ಪ್ರತ್ಯಕ್ಷವಾಗುತ್ತಿದ್ದು, ಸಾರ್ವಜನಿಕರಲ್ಲಿ ಆತಂಕ ಸೃಷ್ಟಿಸಿದೆ.

ಮೂಡಿಗೆರೆ ತಾಲೂಕಿನ ಕುದುರೆಮುಖ ರಾಷ್ಟ್ರೀಯ ಉದ್ಯಾನವನದ ಪ್ರಮುಖ ರಸ್ತೆಯಲ್ಲಿ ಗಜರಾಜ ಕಾಣಿಸಿಕೊಂಡಿದ್ದು, ಸ್ಥಳೀಯರು ಹಾಗೂ ದಾರಿಹೋಕರು ಆತಂಕಗೊಂಡಿದ್ದಾರೆ. ಒಂದು ಗಂಟೆಗೂ ಅಧಿಕ ಕಾಲ ರಸ್ತೆಯಲ್ಲಿ ಈ ಆನೆ ಠಿಕಾಣಿ ಹೂಡಿದ್ದು, ಅತ್ತ ಇತ್ತ ಹೋಗದೆ ಅಲ್ಲೇ ನಿಂತುಕೊಂಡಿತ್ತು.

ಆನೆ ಎಲ್ಲೂ ಹೋಗದ ಕಾರಣ ರಸ್ತೆಯಲ್ಲಿಯೇ ಸ್ಥಳೀಯರು ಉಳಿದಿದ್ದು ಕಾಡಾನೆ ಅರಣ್ಯಕ್ಕೆ ತೆರಳಿದ ನಂತರ ದಾರಿಹೋಕರು ತಮ್ಮ ಪ್ರಯಾಣ ಬೆಳೆಸಿದ್ದಾರೆ.