ಚಿಕ್ಕಮಗಳೂರು:ಉಡುಪಿ ಲಾಡ್ಜ್ನಲ್ಲಿ ಗುತ್ತಿಗೆದಾರ ಸಂತೋಷ್ ಆತ್ಮಹತ್ಯೆ ಮಾಡಿಕೊಂಡ ಪ್ರಕರಣದ ತನಿಖೆ ನಡೆಯುತ್ತಿದೆ. ಸಾವಿಗೂ ಮುನ್ನ ಸಂತೋಷ್ ಪಾಟೀಲ್ ಕಾಫಿನಾಡಲ್ಲಿ ಮೂರು ದಿನ ವಾಸ್ತವ್ಯ ಹೂಡಿದ್ದರು. ಕೈಮರ ಸಮೀಪದ ಖಾಸಗಿ ಹೋಂ ಸ್ಟೇನಲ್ಲಿ ವಾಸ್ತವ್ಯ ಹೂಡಿದ್ದು, ಇಬ್ಬರು ಸ್ನೇಹಿತರ ಜೊತೆ ಮೂರು ದಿನ ಹೋಮ್ ಸ್ಟೇಯಲ್ಲಿ ತಂಗಿದ್ದರು ಎಂದು ತಿಳಿದುಬಂದಿದೆ.
ಎಂಟರಿಂದ ಹತ್ತು ತಾರೀಕಿನವರೆಗೆ ಮೂರು ದಿನವೂ ಹೋಂ ಸ್ಟೇನಲ್ಲಿ ಸಂತೋಷ್ ವಾಸ್ತವ್ಯ ಹೂಡಿದ್ದು, ಹೋಂ ಸ್ಟೇನಲ್ಲಿ ಸಂತೋಷ್ ಎಂದಿನಂತೆ ಇದ್ದರು. ಜೊತೆಗೆ ಸ್ನೇಹಿತರ ಜೊತೆ ಡ್ಯಾನ್ಸ್ ಮಾಡಿಕೊಂಡು ಆರಾಮಾಗಿದ್ದರು. ಅಲ್ಲಿಂದ ತೆರಳುವಾಗ ಸಂತೋಷ್ ಹೋಮ್ ಸ್ಟೇನಲ್ಲಿದ್ದ ನಾಯಿಗಳಿಗೆ ಬಿಸ್ಕೇಟ್ ಹಾಕಿ ಹೋಗಿದ್ದರು ಎಂದು ತಿಳಿದುಬಂದಿದೆ.