ಪರವಾನಗಿ ಇಲ್ಲದೆ ಬೃಹತ್ ಬೇವಿನ ಮರ ಕಡಿಯಲು ಮುಂದಾಗಿದ್ದ ಅಧಿಕಾರಿ

ಬೇವಿನ ಮರವೊಂದನ್ನು ಯಾವುದೇ ಮಾಹಿತಿ ಇಲ್ಲದೆ ಕಟ್ಟಡ ನಿರ್ಮಾಣಕ್ಕಾಗಿ ಇಂಜಿನಿಯರ್​​ವೊಬ್ಬರು ಅರಣ್ಯಾಧಿಕಾರಿಗಳಿಂದ ಪರವಾನಗಿ ಪಡೆಯದೆ ಕಡಿಸಲು ಮುಂದಾಗಿದ್ದರು ಎನ್ನಲಾಗಿದ್ದು, ಇದನ್ನು ತಡೆಯುವಲ್ಲಿ ಪರಿಸರಪ್ರೇಮಿಯೊಬ್ಬರು ಯಶಸ್ವಿಯಾಗಿದ್ದಾರೆ.

ಚಿಕ್ಕಬಳ್ಳಾಪುರ:ಅರಣ್ಯ ಇಲಾಖೆಯ ಪರವಾನಗಿ ಇಲ್ಲದೆ ಅಧಿಕಾರಿಗಳು ಮರ ಕಡಿಯಲು ಮುಂದಾಗಿದ್ದ ಘಟನೆ ಜಿಲ್ಲೆಯ ಚಿಂತಾಮಣಿ ನಗರದಲ್ಲಿ ನಡೆದಿದೆ.

ನಗರದ ಲೈಬ್ರರಿ ಆವರಣದಲ್ಲಿರುವ ಬೇವಿನ ಮರವೊಂದನ್ನು ಯಾವುದೇ ಮಾಹಿತಿ ಇಲ್ಲದೆ ಕಟ್ಟಡ ನಿರ್ಮಾಣಕ್ಕಾಗಿ ಇಂಜಿನಿಯರ್​​ವೊಬ್ಬರು ಅರಣ್ಯಾಧಿಕಾರಿಗಳಿಂದ ಪರವಾನಗಿ ಪಡೆಯದೆ ಕಡಿಸಲು ಮುಂದಾಗಿದ್ದರು ಎನ್ನಲಾಗಿದೆ.

ಈ ವೇಳೆ ಪರಿಸರ ಪ್ರೇಮಿ ಶಿವಕುಮಾರ್​ ಎಂಬುವವರು ಪ್ರಶ್ನಿಸಿ ಅಡ್ಡಪಡಿಸಿ ಮರವನ್ನು ಕಾಪಾಡುವಲ್ಲಿ ಯಶಸ್ವಿಯಾಗಿದ್ದಾರೆ. ದೇಶವೇ ಕೊರೊನಾ ಹಾವಳಿಯಿಂದ ನಲುಗಿದೆ. ಇನ್ನು ಇದ್ದ ಮರಗಳನ್ನೂ ಕಡಿದು ಪ್ರಕೃತಿ ನಾಶ ಮಾಡಿದ್ರೆ ಹೇಗೆ ಎಂದು ಪರಿಸರ ಪ್ರೇಮಿ ಬೇಸರ ವ್ಯಕ್ತಪಡಿಸಿದ್ದಾರೆ.