ಚಿಕ್ಕಬಳ್ಳಾಪುರ: ಸೋತ ಅಭ್ಯರ್ಥಿಯೋರ್ವ ತನ್ನ ವಾರ್ಡ್ನ ಮನೆ ಮನೆಗೂ ತೆರಳಿ ಸಿಹಿ ಹಂಚಿ ಜನರ ಸಮಸ್ಯೆಗಳನ್ನು ತಿಳಿಸುವಂತೆ ಮನವಿ ಮಾಡಿ, ಮುಂದಿನ ಚುನಾವಣೆಯಲ್ಲಿ ಮತಗಳನ್ನು ನೀಡುವಂತೆ ವಿನೂತನ ಪ್ರಚಾರ ನಡೆಸಿ ಗ್ರಾಮಸ್ಥರ ಮನೆ ಮಾತಾದ ಘಟನೆ ಜಿಲ್ಲೆಯ ಗೌರಿಬಿದನೂರು ತಾಲೂಕು ವ್ಯಾಪ್ತಿಯಲ್ಲಿ ನಡೆದಿದೆ.
ಮತದಾರರಿಗೆ ಸಿಹಿ ಹಂಚಿ ಕೃತಜ್ಞತೆ ಸಲ್ಲಿಸಿದ ಅಭ್ಯರ್ಥಿ
ಗಂಗಸಂದ್ರ ಪಂಚಾಯತ್ನ ಪಕ್ಷವೊಂದರ ಬೆಂಬಲಿತ ಅಭ್ಯರ್ಥಿ ಸುನೀಲ್ ಕೇವಲ ಎರಡು ಮತಗಳಿಂದ ಸೋಲನ್ನನುಭವಿಸಿದ್ದರು. ಆದರೆ, ಸೋಲನ್ನು ಪರಿಗಣಿಸದೇ ಮತದಾರರಿಗೆ ಸಿಹಿ ಹಂಚಿದ್ದಾರೆ. ಜೊತೆಗೆ ಸಮಸ್ಯೆಗಳ ಬಗ್ಗೆ ತಿಳಿದುಕೊಂಡು ಅಧಿಕಾರಿಗಳ ಗಮನಕ್ಕೆ ತರುವುದಾಗಿ ಭರವಸೆ ನೀಡಿದ್ದಾರೆ.