ಬಾಲ್ಯ ವಿವಾಹ ಪ್ರಕರಣ: ವರ ಸೇರಿ ಇಬ್ಬರ ಬಂಧನ

ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯ ದೂರಿನನ್ವಯ ಬಾಲ್ಯ ವಿವಾಹಕ್ಕೆ ಸಂಬಧಿಸಿದಂತೆ ಇಬ್ಬರನ್ನು ಬಾಗೇಪಲ್ಲಿ ಪೊಲೀಸರು ಬಂಧಿಸಿದ್ದಾರೆ.

ಚಿಕ್ಕಬಳ್ಳಾಪುರ: ಬಾಲ್ಯ ವಿವಾಹಕ್ಕೆ ಸಂಬಂಧಿಸಿದಂತೆ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯ ದೂರಿನನ್ವಯ ಇಬ್ಬರನ್ನು ಬಾಗೇಪಲ್ಲಿ ಪೊಲೀಸರು ವಶಪಡಿಸಿಕೊಂಡಿದ್ದಾರೆ.

ತಾಲೂಕಿನ ಯಗವಬಂಡ್ಲಕೆರೆ ಗ್ರಾಮದಿಂದ ಸದ್ಯ ಪೋಷಕರು ಎಸ್ಕೇಪ್ ಆಗಿದ್ದು, ಬಾಲಕಿಗಾಗಿ ಪೊಲೀಸರಿಂದ ಶೋಧ ಮುಂದುವರೆದಿದೆ. ಅಷ್ಟೇ ಅಲ್ಲದೆ ಬಾಲಕಿ ಅಪ್ರಾಪ್ತೆ ಎಂದು ಬಾಗೇಪಲ್ಲಿ ಸರ್ಕಾರಿ ಪ್ರೌಢ ಶಾಲೆ ದಾಖಲಾತಿಗಳು ‌ದೃಢಪಡಿಸಿವೆ.

ಈ ಮೊದಲು ಮದುವೆಯಾಗಿದ್ದ ವರನಿಗೆ ಇಬ್ಬರು ಮಕ್ಕಳಿದ್ದು, ವರ ದಾಸಪ್ಪ ಮತ್ತು ಪದ್ಮ ಎಂಬುವರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಇನ್ನು ತಲೆಮರೆಸಿಕೊಂಡವರಿಗಾಗಿ ಪೊಲೀಸರು ಶೋಧ‌ ನಡೆಸುತ್ತಿದ್ದಾರೆ. ಬಾಲ್ಯ ವಿವಾಹದ ಕುರಿತು ಈಟಿವಿ ಭಾರತ ಮೊದಲು ವರದಿ ಮಾಡಿತ್ತು. ಈಗ ಆರೋಪಿಗಳ ಬಂಧನವಾಗಿದೆ.