ಕೊರೊನಾ ಭೀತಿ: ಜನ ಅಂತರ ಕಾಯ್ದುಕೊಳ್ಳಲು ಗುಂಡ್ಲುಪೇಟೆ ಪೊಲೀಸರಿಂದ ಈ ಉಪಾಯ!

ದಿನಸಿ ಖರೀದಿಗೆ ಬರುವ ಜನರ ಮಧ್ಯೆ ಅಂತರ ಕಾಪಾಡಲು ಗುಂಡ್ಲುಪೇಟೆ ಪೊಲೀಸರು ಹೊಸ ಉಪಾಯವೊಂದನ್ನ ಮಾಡಿದ್ದಾರೆ.

ಚಾಮರಾಜನಗರ (ಗುಂಡ್ಲುಪೇಟೆ): ಕೊರೊನಾ ವೈರಸ್ ಸೋಂಕು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿರುವ ಹಿನ್ನೆಲೆ ಮೂರು ವಾರಗಳ ಕಾಲ ದೇಶವನ್ನೇ ಲಾಕ್​​ಡೌನ್ ಮಾಡಿದ್ದರೂ ಸಹ ಜನರು ದಿನಸಿ ತರಕಾರಿಗಳಿಗೆ ಹೊರಗೆ ಬರುತ್ತಲೇ ಇದ್ದಾರೆ.

ಹಾಗಾಗಿ ಜನರು ಅಂತರವನ್ನು ಕಾಯ್ದುಕೊಳ್ಳುವಂತೆ ಮಾಡಲು ಪೊಲೀಸರು ದಿನಸಿ, ತರಕಾರಿ ಅಂಗಡಿಗಳ ಮುಂಭಾಗ ಎರಡು ಮೀಟರ್ ಅಂತರಕ್ಕೆ ಚೌಕಾಕಾರದ ಬಾಕ್ಸ್​ಗಳನ್ನು ಮಾಡಿ, ಅದರಲ್ಲಿ ನಿಲ್ಲುವಂತೆ ತಿಳಿಸಿ ಪದಾರ್ಥಗಳನ್ನು ನೀಡುತ್ತಿದ್ದಾರೆ.

ಸರದಿಯಲ್ಲಿ ಬಂದು ಅಂತರ ಕಾಯ್ದುಕೊಳ್ಳಲು ವ್ಯಾಪಾರಿಗಳು ಗ್ರಾಹಕರಿಗೆ ಸೂಚನೆ ನೀಡುತ್ತಿದ್ದಾರೆ. ಈ ರೀತಿಯಲ್ಲಿ ಅನುಸರಣೆ ಮಾಡದಿದ್ದರೆ ಅಂಗಡಿಗಳನ್ನು ಮುಚ್ಚುವುದಾಗಿ ಪೊಲೀಸರು ಎಚ್ಚರಿಕೆ ನೀಡಿದ್ದಾರೆ.