ಚಾಮರಾಜನಗರ: ಎಲ್ಲವೂ ಅಂದುಕೊಂಡಂತೆ ಆದರೆ ಇದೇ 15ರಿಂದ ಅನ್ಲಾಕ್ ಜಾರಿಯಾಗಲಿರುವುದರಿಂದ ಕೆಎಸ್ಆರ್ಟಿಸಿ ಚಾಮರಾಜನಗರ ವಿಭಾಗವೂ ಕೂಡ ಬಸ್ಗಳನ್ನು ರಸ್ತೆಗಿಳಿಸಲು ಸಕಲ ತಯಾರಿ ಮಾಡಿಕೊಂಡಿದೆ.
ಚಾಮರಾಜನಗರ ಡಿಪೋದಲ್ಲಿ ಸದ್ಯ 132 ಬಸ್ಗಳಿದ್ದು, ಸ್ಥಳೀಯವಾಗಿ ವಾಸಿಸುತ್ತಿರುವ ಚಾಲಕರು, ನಿರ್ವಾಹಕರು ಮತ್ತು 15ಕ್ಕೂ ಹೆಚ್ಚು ಮೆಕಾನಿಕಲ್ಗಳನ್ನು ಡಿಪೋಗೆ ಕರೆಯಿಸಿಕೊಂಡು ಬಸ್ ಸರ್ವಿಸ್ ಮಾಡಿಸಿ ರಸ್ತೆಗಿಳಿಸಲು ಸನ್ನದ್ಧಗೊಳಿಸಲಾಗುತ್ತಿದೆ.
ಕಳೆದ ಎರಡು ತಿಂಗಳುಗಳಿಂದ ಬಸ್ಗಳು ನಿಂತಲ್ಲೇ ನಿಂತಿರುವುದರಿಂದ ಬಸ್ಗಳಿಗೆ ಗ್ರೀಸ್, ಏರ್ ತುಂಬಿಸುವುದು ಮಾಡಿ ವಾಟರ್ ಸರ್ವಿಸ್ ಮಾಡಲಾಗುತ್ತಿದೆ. ದಿನವೊಂದಕ್ಕೆ 20-25 ಬಸ್ಗಳಿಗೆ ಸರ್ವಿಸ್ ಮಾಡುತ್ತಿದ್ದು, 15ರವರೆಗೆ ಬಸ್ಗಳು ರಸ್ತೆಗಿಳಿಯಲು ಸನ್ನದ್ಧಗೊಳ್ಳುವ ವಿಶ್ವಾಸ ಇಲ್ಲಿನ ಸಿಬ್ಬಂದಿಗಳಾಗಿದ್ದಾರೆ.
ಕೊರೊನಾ ಜಾಗೃತಿಯ ಸ್ಟಿಕರ್ಗಳನ್ನು ಅಂಟಿಸಿ, ಸ್ಯಾನಿಟೈಸರ್ ಬಾಟಲ್ಗಳನ್ನು ಪ್ರತಿ ಬಸ್ನಲ್ಲಿಡಲಾಗುತ್ತಿದೆ. ಬರೋಬ್ಬರಿ 2 ತಿಂಗಳ ಬಳಿಕ ಸೇವೆ ನೀಡಲು ಸಾರಿಗೆ ಇಲಾಖೆ ಸಿಬ್ಬಂದಿ ಕಾತರರಾಗಿದ್ದಾರೆ.