ಚಾಮರಾಜನಗರ ಜಿಲ್ಲಾಡಳಿತ ಭವನದಲ್ಲಿ ಬಿದ್ದಿದ್ದ ಕನ್ನಡ ಬಾವುಟಗಳು.. ಹೋರಾಟಗಾರರ ಆಕ್ರೋಶ

ಪೊಲೀಸ್ ಚೌಕಿ ಮುಂಭಾಗ ಕಾಫಿ ಕಪ್, ವಾಟರ್ ಬಾಟೆಲ್ ಎಸೆದಿದ್ದ ಸ್ಥಳದಲ್ಲಿ ಕನ್ನಡ ಬಾವುಟಗಳು, ಬಂಟಿಂಗ್​ಗಳನ್ನು ಎಸೆದಿದ್ದರು‌. ಇದನ್ನು ಕಂಡ ಕನ್ನಡಪರ ಹೋರಾಟಗಾರರಾದ ಚಾ.ರಂ. ಶ್ರೀನಿವಾಸೌಡ, ಪರಶಿವ ಮುಂತಾದವರು ಆಕ್ರೋಶ ವ್ಯಕ್ತಪಡಿಸಿ ಬಾವುಟಗಳನ್ನು ಪೊಲೀಸ್ ಚೌಕಿ ಒಳಗೆ ಇರಿಸಿದ್ದಾರೆ.‌

ಚಾಮರಾಜನಗರ: ಹೋರಾಟ, ಚಳುವಳಿ ಹಾಗೂ ಕನ್ನಡ ಅಸ್ಮಿತೆ ವಿಚಾರ ಬಂದಾಗೆಲೆಲ್ಲಾ ಮೊದಲು ಧ್ವನಿ ಎತ್ತುವ ಗಡಿ ಜಿಲ್ಲೆಯಲ್ಲೇ ಕನ್ನಡದ ಬಾವುಟವನ್ನು ಎಸೆದಿರುವ ಘಟನೆ ನಡೆದಿದೆ.

ಪೊಲೀಸ್ ಚೌಕಿ ಮುಂಭಾಗ ಕಾಫಿ ಕಪ್, ವಾಟರ್ ಬಾಟೆಲ್ ಎಸೆದಿದ್ದ ಸ್ಥಳದಲ್ಲಿ ಕನ್ನಡ ಬಾವುಟಗಳು, ಬಂಟಿಂಗ್​ಗಳನ್ನು ಎಸೆದಿದ್ದರು‌. ಇದನ್ನು ಕಂಡ ಕನ್ನಡಪರ ಹೋರಾಟಗಾರರಾದ ಚಾ.ರಂ. ಶ್ರೀನಿವಾಸೌಡ, ಪರಶಿವ ಮುಂತಾದವರು ಬಾವುಟಗಳನ್ನು ಪೊಲೀಸ್ ಚೌಕಿ ಒಳಗೆ ಇರಿಸಿದ್ದಾರೆ.‌

ಇದನ್ನು ಓದಿ:ಚಂಡೀಗಢದಲ್ಲಿ ರಾಷ್ಟ್ರೀಯ ರೋಲರ್ ಸ್ಕೇಟಿಂಗ್ ಹಾಕಿ: ಕೈಗಾದಲ್ಲಿ ತರಬೇತಿ ಪಡೆದು ಸಜ್ಜಾದ 5 ತಂಡ

ಈ ಬಾವುಟಗಳು ಕಸಾಪ ಜಿಲ್ಲಾ ಸಾಹಿತ್ಯ ಸಮ್ಮೇಳನದಲ್ಲಿ ಬಳಸಿದ ಬಾವುಟಗಳು ಎನ್ನಲಾಗಿದೆ. ಸಾಹಿತ್ಯ ಸಮ್ಮೇಳನವನ್ನು ಹಬ್ಬದಂತೆ ಮಾಡಿ, ಬಳಿಕ ಬಾವುಟಗಳನ್ನು ಕಸದಂತೆ ಎಸೆದಿದ್ದಾರೆ. ಈ ನಿರ್ಲಕ್ಷ್ಯ ಸರಿಯಲ್ಲ, ಬಾವುಟಕ್ಕೆ ಅಗೌರವ ತೋರಿದವರಿಗೆ ಕೂಡಲೇ ಕಾನೂನು ಕ್ರಮ ಜರುಗಿಸಬೇಕೆಂದು ಹೋರಾಟಗಾರರು ಒತ್ತಾಯಿಸಿದ್ದಾರೆ.