ಸೆರೆಯಾದ ಹುಲಿ: ಮಾಳಿಗಮ್ಮನ ಹರಕೆ ತೀರಿಸಿದ ಸಿಎಫ್​ಒ, ಸ್ಥಳೀಯರು!

4-5 ವರ್ಷಗಳಿಂದ ಮಾಳಿಗಮ್ಮನ ಪೂಜೆ ನಿಂತಿತ್ತು. ಪೂಜೆ ನಿಲ್ಲಿಸಿದ್ದರಿಂದಲೇ ಹುಲಿ ದಾಳಿಗಳಾಗುತ್ತಿವೆ ಎಂಬುದು ಗ್ರಾಮಸ್ಥರ ನಂಬಿಕೆಯಾಗಿತ್ತು. ಆದರಂತೆ, ಹುಲಿ ಸೆರೆಯಾದರೆ ಪೂಜೆ ಸಲ್ಲಿಸುವುದಾಗಿ ಬಂಡೀಪುರ ಸಿಎಫ್ಒ ಪೂಜೆ ಹರಕೆ ಕಟ್ಟಿಕೊಂಡಿದ್ದರು.

ಚಾಮರಾಜನಗರ: ತಿಂಗಳುಗಟ್ಟಲೇ ಜನರ ನಿದ್ರೆಗೆಡಿಸಿದ್ದ ಹುಲಿರಾಯನ ಸೆರೆ ಹಿಡಿದ ಬಳಿಕ ಗ್ರಾಮಸ್ಥರ ತೀರ್ಮಾನ ಮತ್ತು ಸಿಎಫ್ಒ ಹರಕೆಯಂತೆ ಇಂದು ಹುಂಡಿಪುರದ ಮಾಳಿಗಮ್ಮ ದೇವರಿಗೆ ಪೂಜೆ ಸಲ್ಲಿಸಲಾಯಿತು.

ಕೋಮು ಸಂಘರ್ಷದಿಂದ ಕಳೆದ 4-5 ವರ್ಷಗಳಿಂದ ಮಾಳಿಗಮ್ಮನ ಪೂಜೆ ನಿಂತಿತ್ತು. ಪೂಜೆ ನಿಲ್ಲಿಸಿದ್ದರಿಂದಲೇ ಹುಲಿ ದಾಳಿಗಳಾಗುತ್ತಿವೆ ಎಂಬುದು ಗ್ರಾಮಸ್ಥರ ನಂಬಿಕೆಯಾಗಿತ್ತು. ಆದರಂತೆ, ಹುಲಿ ಸೆರೆಯಾದರೆ ಪೂಜೆ ಸಲ್ಲಿಸುವುದಾಗಿ ಬಂಡೀಪುರ ಸಿಎಫ್ಒ ಪೂಜೆ ಹರಕೆ ಕಟ್ಟಿಕೊಂಡಿದ್ದರು.

ಕಾಕತಾಳೀಯ ಎಂಬಂತೆ ಹರಕೆ ಕಟ್ಟಿಕೊಂಡ ಒಂದೇ ದಿನಕ್ಕೆ ಹುಲಿ ಸೆರೆಯಾದ್ದರಿಂದ ಗ್ರಾಮಸ್ಥರೊಂದಿಗೆ ಸೇರಿ ಸಿಎಫ್ಒ ಬಾಲಚಂದ್ರ ಇಂದು ಮಾಳಿಗಮ್ಮನಿಗೆ ಪೂಜೆ ಸಲ್ಲಿಸಿದರು.‌ಗ್ರಾಮಸ್ಥರು ಚಂದಾ ಎತ್ತಿ ಅನ್ನ ಸಂತರ್ಪಣೆ ಏರ್ಪಡಿಸಿ ಭಕ್ತಿ ಮೆರೆದಿದ್ದಾರೆ.