ಗುಲ್ ಮೊಹರ್ ರಂಗ್ ಮೋಡಿ.. ಮೇ ಫ್ಲವರ್ ಸೌಂದರ್ಯಕ್ಕೆ ಪ್ರಯಾಣಿಕ ಪುಲ್ ಫಿದಾ

ಗಡಿಜಿಲ್ಲೆಯ ರಸ್ತೆಗಳ ಉದ್ದಗಲಕ್ಕೂ ಮೇ ಫ್ಲವರ್ ಬೆಳೆದು ಪ್ರಯಾಣಿಕರನ್ನ ಆಕರ್ಷಿಸುತ್ತಿದ್ದು ಪ್ರಕೃತಿ ಸೌಂದರ್ಯಕ್ಕೆ ದಾರಿಹೋಕರು ಮಾರು ಹೋಗಿದ್ದಾರೆ.

ಚಾಮರಾಜನಗರ :ಮೇ ಫ್ಲವರ್ ಎಂದೇ ಕರೆಯುವ ಗುಲ್ ಮೊಹರ್‌ನ ರಂಗಿಗೆ ಗಡಿಜಿಲ್ಲೆ ಕಲರ್ ಕಲರ್ ಆಗಿದ್ದು, ರಸ್ತೆಯ ಇಕ್ಕೆಲಗಳಲ್ಲಿ ಕೆಂಬಣ್ಣದ ಡೆಕೋರೇಷನ್ ತರ ಗಿಡಗಳು ಹೂ ಬಿಟ್ಟಿದೆ.

ಜಿಲ್ಲೆಯ ಸಂತೇಮರಹಳ್ಳಿ, ಮಾದಾಪುರ, ಗುಂಡ್ಲುಪೇಟೆ, ಬೇಗೂರು, ಮೇಲುಕಾಮನಹಳ್ಳಿ, ಹಂಗಳದ ರಸ್ತೆಗಳ ಉದ್ದಕ್ಕೂ ಗುಲ್ ಮೊಹರ್ ಬೆಡಗು-ಸೊಬಗಿಗೆ ದಾರಿ ಹೋಕರು ನಿಂತು ವಿಶ್ರಾಂತಿ ಪಡೆದು ತೆರಳುತ್ತಿದ್ದಾರೆ. ಕೆಂಪು ಚಪ್ಪರದಂತೆ‌ ಭಾಸವಾಗುವ ಗುಲ್ ಮೋಹರ್ ಯುವಜನತೆಯ ಸೆಲ್ಫಿ ಸ್ಪಾಟಾಗಿ ಕೂಡ ಪರಿಣಮಿಸಿದೆ. ಕ್ಯಾಮರಾ ಕಣ್ಣಲ್ಲಿ ಹೂವಿನ ಅಂದ ಮತ್ತಷ್ಟು ಹೆಚ್ಚಾಗಿ ಕಾಣಿಸುತ್ತದೆ.