ಚಾಮರಾಜನಗರ :ಮಹಿಳೆಯೊಬ್ಬರ ಸರ ಕಸಿದು ವ್ಯಕ್ತಿ ಬೈಕಿನಲ್ಲಿ ಪರಾರಿಯಾಗಿರುವ ಘಟನೆ ಕೊಳ್ಳೇಗಾಲದ ಬಸವೇಶ್ವರ ನಗರ ಬಡಾವಣೆಯಲ್ಲಿ ನಡೆದಿದೆ. ಬಡಾವಣೆ ನಿವಾಸಿ ಮಹಾದೇವಸ್ವಾಮಿ ಎಂಬುವರ ಪತ್ನಿ ಗಾಯತ್ರಿ ಸರ ಕಳೆದುಕೊಂಡವರು. ಮನೆ ಹೊರಗಡೆ ಯಾರೋ ಕರೆದಂತಾದ್ದರಿಂದ ಆಚೆ ಬಂದ ವೇಳೆ 30 ವರ್ಷದ ಆಸುಪಾಸಿನ ವ್ಯಕ್ತಿ ಸರ ಕಸಿದು ಪರಾರಿಯಾಗಿದ್ದಾನೆ. 70 ಗ್ರಾಂ ತೂಕದ ಚಿನ್ನದ ಸರ ಕಳೆದುಕೊಂಡಿದ್ದು, ಕೊಳ್ಳೇಗಾಲ ಪಟ್ಟಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಟ್ರಯಲ್ ನೋಡುತ್ತೇನೆಂದು ಬೈಕ್ ಕದ್ದ:ಬೈಕ್ ಖರೀದಿಗೆ ಬಂದು ಕದ್ದ ಆರೋಪದಲ್ಲಿ ವ್ಯಕ್ತಿಯೊಬ್ಬನನ್ನು ಕೊಳ್ಳೇಗಾಲ ಪಟ್ಟಣ ಠಾಣೆ ಪೊಲೀಸರು ಬಂಧಿಸಿದ್ದಾರೆ. ಮೈಸೂರು ಮೂಲದ ಕಾರ್ತಿಕ್ ಬಂಧಿತ ಆರೋಪಿ. ಕೊಳ್ಳೇಗಾಲದ ನಿವಾಸಿ ಅನಿಲ್ ಎಂಬುವರು ಬೈಕ್ ಕಳೆದುಕೊಂಡಿದ್ದ ವ್ಯಕ್ತಿ.