ಬೈಕ್​​ ಸವಾರರನ್ನು ಅಟ್ಟಾಡಿಸಿದ ಆನೆ... ಫೋಟೋ ಹುಚ್ಚಿಗೆ ಹೋಗ್ತಿತ್ತು ಪ್ರಾಣ!

ಬೆಂಗಳೂರು-ಕೊಯಂಬತ್ತೂರು ರಾಷ್ಟ್ರೀಯ ಹೆದ್ದಾರಿಯಲ್ಲಿ ಮರಿಯಾನೆಯೊಂದಿಗೆ ಗಜಪಡೆ ರಸ್ತೆ ದಾಟುತ್ತಿದ್ದಾಗ ಬೈಕ್ ಸವಾರರು ವಿಡಿಯೋ-ಫೋಟೋ ತೆಗೆದು ಕಿರುಚಾಡಿ ಕೀಟಲೆ ಮಾಡಿದ್ದಾರೆ‌. ಇದರಿಂದ ರೊಚ್ಚಿಗೆದ್ದ ತಾಯಿ ಆನೆ ಬೈಕ್ ಸವಾರರನ್ನು ಅಟ್ಟಾಡಿಸಿ ಹೈರಣಾಗಿಸಿದೆ.

ಚಾಮರಾಜನಗರ: ಮರಿಯಾನೆಯೊಂದಿಗೆ ಹೆಜ್ಜೆ ಹಾಕುತ್ತಿದ್ದ ಗಜಪಡೆಯ ಫೋಟೋ ತೆಗೆಯಲು ಹೋಗಿ ಯುವಕರು ಸ್ವಲ್ಪದರಲ್ಲೇ ಪ್ರಾಣ ಉಳಿಸಿಕೊಂಡ ಘಟನೆ ತಾಲೂಕಿನ ಪುಣಜನೂರು ರಸ್ತೆಯಲ್ಲಿ ನಡೆದಿದೆ.

ಬೆಂಗಳೂರು-ಕೊಯಂಬತ್ತೂರು ರಾಷ್ಟ್ರೀಯ ಹೆದ್ದಾರಿಯಲ್ಲಿ ಮರಿಯಾನೆಯೊಂದಿಗೆ ಗಜಪಡೆ ರಸ್ತೆ ದಾಟುತ್ತಿದ್ದಾಗ ಬೈಕ್ ಸವಾರರು ವಿಡಿಯೋ-ಫೋಟೋ ತೆಗೆದು ಕಿರುಚಾಡಿ ಕೀಟಲೆ ಮಾಡಿದ್ದಾರೆ‌. ಇದರಿಂದ ರೊಚ್ಚಿಗೆದ್ದ ತಾಯಿ ಆನೆ ಬೈಕ್ ಸವಾರರನ್ನು ಅಟ್ಟಾಡಿಸಿ ಹೈರಣಾಗಿಸಿದೆ. ಬಳಿಕ, ಭಯಗೊಂಡ ಆನೆ ಮರಿಯಾನೆಯನ್ನು ಸುರಕ್ಷಿತವಾಗಿ ರಸ್ತೆ ದಾಟಿಸಿದೆ. ಅರಣ್ಯ ಇಲಾಖೆ ಸಾಕಷ್ಟು ಮನವಿ ಮಾಡಿದ್ದರೂ ಕಿವಿಗೊಡದ ಪುಂಡರು ಫೋಟೋ- ವಿಡಿಯೋ ಹುಚ್ಚಿಗೆ ಅಪಾಯಕ್ಕೆ ಸಿಲುಕುತ್ತಿರುವುದು ವಿಪರ್ಯಾಸವೇ ಸರಿ.