ಪ್ರಾಣಕ್ಕೆ ಕುತ್ತು ತಂದ ತ್ರಿಬಲ್ ರೈಡಿಂಗ್: ಆಯತಪ್ಪಿ ಹಳ್ಳಕ್ಕೆ ಬಿದ್ದು ಇಬ್ಬರು ದುರ್ಮರಣ

ತ್ರಿಬಲ್ ರೈಡಿಂಗ್​ನಲ್ಲಿ ತೆರಳುವಾಗ ಆಯ ತಪ್ಪಿ ಹಳ್ಳಕ್ಕೆ ಬಿದ್ದು ಇಬ್ಬರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ತಮಿಳುನಾಡು ಮೂಲದ ಕುಮಾರ್ (45) ಹಾಗೂ ಅರಕಲವಾಡಿ ಸಮೀಪ ಗ್ರಾಮದ ಬಸವಯ್ಯ (65) ಮೃತರು.

ಚಾಮರಾಜನಗರ:ತ್ರಿಬಲ್ ರೈಡಿಂಗ್​ನಲ್ಲಿ ತೆರಳುವಾಗ ಆಯತಪ್ಪಿ ಹಳ್ಳಕ್ಕೆ ಬಿದ್ದು ಇಬ್ಬರು ಸ್ಥಳದಲ್ಲೇ ಮೃತಪಟ್ಟಿರುವ ಘಟನೆ ಚಾಮರಾಜನಗರ ತಾಲೂಕಿನ‌ ಅರಕಲವಾಡಿ ಸಮೀಪ‌ ನಡೆದಿದೆ.

ತಮಿಳುನಾಡು ಮೂಲದ ಕುಮಾರ್ (45), ಅರಕಲವಾಡಿ ಸಮೀಪ ಗ್ರಾಮದ ಬಸವಯ್ಯ (65) ಮೃತರು. ಮಹದೇವಯ್ಯ ಎಂಬುವರಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು, ಅದೃಷ್ಟವಶಾತ್ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.‌

ಸದ್ಯ, ಮೃತದೇಹಗಳನ್ನು ಮರಣೋತ್ತರ ಪರೀಕ್ಷೆಗಾಗಿ ಜಿಲ್ಲಾಸ್ಪತ್ರೆಗೆ ರವಾನಿಸಲಾಗಿದೆ. ಈ ಸಂಬಂಧ ಚಾಮರಾಜನಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಓದಿ:ಸಾರಾಯಿ ಕುಡಿಯಲು ಹಣ ಕೊಡದ್ದಕ್ಕೆ ಹೆತ್ತ ತಾಯಿಯನ್ನೇ ಹೊಡೆದು ಕೊಂದ ಪಾಪಿ ಪುತ್ರ!